Vao omaly aho nitaraina nitomany
Reraky ny adin-tsaina lany hery
Toy ny raozy maty masoandro na lasa malazo
Ny maraina kosa mampiseho hery vao.
O ianao izay namoha indray ny fitiavako
Ianao no rivo-bao nitondra aina
Namelona ny hodi-tavako
Mety ianao ny hanadino ny lasako
Mety ianao no hiara-dia hiray fo tamiko
Toy ny raozy vao maraina aho
Falifaly mivelatra mampiseho ny fony sambatra
Averimberiko ato an-tsaiko ireo teninao
Fa ando vao hitondra tsiky ho an 'ny tontolo.
Eny mafy ny fiainana eto an-tany
Feno hafaliana sy hakiviana
Nefa mahaiza mionona fa izany no anjara
Ka ity re ny foko feno fitiavana
Atolotro ho anao
Eny atolotro anao
Ity re ny fitiavako, raiso!
Mety ianao ny hanadino ny lasako
Mety ianao ny hiara-dia hiray fo amiko
