anisan'ny zava-dehibe maha fanambadiana ny fanambaiana ny vodiondry. fahiny tokoa dia tena ondry velona no entina rehefa hangata-bady ka ny tapany misy hofany no natolotra izay ho rafozanina ary ny tapany mankany amin'ny lohany kosa entina hifaliana any @ ralehilahy singy miova andriana miova sata ka lasa nosoloana vola taty aoriana ka izay no nahantiga ny fitenenana hoe izay mitari-bady tsy lasam-bodiondry henatra izany
ny vodiondry : io kosa dia atolotra ny renin-drazazavavy. Ny fahatontosana an'io no manamarika ny fifatoran'ny fanambadiana ara-piarahamonina. Manana anjara toerana lehibe tokoa io fomba io, araka izany, satria « tsy tsara ny mitari-bady tsy lasam-bodiondry », hoy ihany ny Ntaolo. Niovaova endrika ny fomba enti-manolotra azy io : valopy tao alohaloha tao, dia niova ho lambakely tato aoriandriana ampiarahana amin'ny vatokely vitsivisty, mba ho firariana fa ho mafy tahaka ny vato ny fatoram-panambadiana izay ajoro. Ankehitriny dia kitapo kely vita amin'ny landy tsara tarehy, misy kofehy miloko ranom-bolamena io. Mety ho angetsana angamba, hoy ianao, kanefa angetsana manandratra avo ny satan'ny fanambadiana
Io izany dia arakaraky ny lovantsofina heno e ! Misy amin'izy ireny no efa noraiketina antsoratra dia toa maro mpampiasa, ary zary itompoana teny fa marina.
Ny hany itoviana fotsiny dia izao : tena HAJA AMAM-BONINAHITRA atolotra ny ray amandreny horafozanina ny vodiondry.
Ny tantara indray dia maro samihafa no milaza ny amin'izany vodiondry izany :
Salaka landy hoy ny sasany, tena ondry matavy hoy ny hafa, ny ombalahibemaso aza nilaza fa voamena no tombatomban'ny solombodiondry ho an'ny rafozana.
Hatreo dia lasa nosoloina ilay tena vodiondry fahiny. Trafokena ome-mahery io : ambava homana, am-po miheritra.
Ny vodihena @ ankapobeny dia fanomezam-boninahitra, raha ny any Dago dia iny no faritra matsiro indrindra. Ny vodiakoho no omena ny loham-pianakaviana. sns.
Fa ny hoe maninona no ondry no nofidian'ny Ntaolo indray aloha, fa naninona no tsy kisoa na osy ohatra, tsy haiko.
=)) =)) =))
