sitlo:

Mahafinaritra kosa izany misy vazimba izany ato.
Fanontaniana voalohany ary aloha, ahoana no ahafantarana hoe vazimba ny olona iray? Izany hoe ahoana no nahafantaranao hoe vazimba ianao?

Tsotra kely ny amin'izay rahalahy aa!! Ny Vazimba no isan'ny razamben'ny Malagasy, ka izaho Malagasy ka tiako ny misalotra sy mitondra io anarana niaviana io ary miaina ny maha malagasy tarana-bazimba ahy. Marina fa teo ny fifangaroana tato aoriana fa mahafinaritra ahy ny misalotra ilay izy amin'ny maha razambentsika tany aloha azy ireo. Ankehitriny, aiza koa no hanavahanao hoe itsy izao, izatsy izao fa Malagasy isika taranak'ireo Vazimba tompon-tany fahagola sy ireo vahiny tonga niorim-ponenana teto fahiny ; efa nifangaro io ka izay no nanome antsika izao. Ka ny ahy io mba fitiavako manokana ny hisalotra ny anaran'ny razambe Vazimba tany aloha. Dia izay, zavatra tsotra izany. Ka aza mitady hoe ahoana no hahafantarana ny olona ankehitriny hoe Vazimba, very eo ny andronao tokony hamokarana sy hiasana. Tiako hambara fotsiny fa olona ny Vazimba izay razambentsika fa tsy biby na olondia araka ny nolazain'ny voanjo mpanjana-tany sy nampianariny ireo taranaka tato aoriana, na hoe zava-mampajory araka ny finoan'ny sasany. Fa amin'ny maha razana azy dia tokony ho hajaina izay toerana fantatra fa misy fasam-bazimba araka ny fahendrena anajantsika ny razana sy ny fasana ary ny toerana niainan'izy ireo. Ny mahatonga ny loza indraindray dia ny tsy fanajana ny toerana sy ny hasiny, ny tsy finoana fa manan-kasina ny razana nialoha lalana, ary izany hasin'izy ireo izany dia mifindra amin'ny tany sy ny toerana niainan'izy ireo. Ka masina ny tanin-drazana niainany sy nilevenan'ireo raiamandreny nialoha lalana. Io no tsy maintsy mbola hampitaina amin'ny tanora ankehitriny, mba ho tia tanindrazana. Hatreo aloha fa ndeha hamoka-bary aho fa lany andro eto! Misaotra anareo!

dia ahoana indray le hoe fasam-bazimba e.. tanim-bazimba e, ireny?

ikaretsaka:

dia ahoana indray le hoe fasam-bazimba e.. tanim-bazimba e, ireny?

K'efa izay ko inona indray ary, hihihi!!! fasana + vazimba, tany+vazimba! Ko inona indray? vazimba zany no milevina ao, vazimba zany no nitoetra teo, taniny io zany, dia aza lotoina na angerena. Mazava be 'zany. Izay aloha fa 'ndeha haka vilona hohanin'ny omby aho!

[suote]Mazava be 'zany. Izay aloha fa 'ndeha haka vilona hohanin'ny omby aho![/quote] :lol: :lol:

ni81:

[suote]Mazava be 'zany. Izay aloha fa 'ndeha haka vilona hohanin'ny omby aho!

:lol: :lol:
[/quote]

hihihihi!!!! ary efa tafiditra eto sahady ianao ry NI an! vao teo no norasinay tatsy ambadika dia indro fa eto sahady. Lalina izany. Manja e!

hihihihi!!!! ary efa tafiditra eto sahady ianao ry NI an! vao teo no norasinay tatsy ambadika dia indro fa eto sahady. Lalina izany. Manja e!

ka samy eto zao koa :-D :-D

ni81:

hihihihi!!!! ary efa tafiditra eto sahady ianao ry NI an! vao teo no norasinay tatsy ambadika dia indro fa eto sahady. Lalina izany. Manja e!

ka samy eto zao koa :-D :-D

marina izany e! variana eto indray aho ko! hihihi!!!

Hay ve eh! :-D

Tsy izany fa mba tia hahalala be be kokoa momba ny razantsika aho no antony nanontaniako. Nataoko fa dia efa nanao fikarohana ianao no nilazanao hoe vazimba ianao. Tsy lany izany ny androko manadihady izany fa ho hita miandalana eny eh. Diavolan-ko lava, ny kilalao mbola ho ela.
Ricky izao no mila anontaniana fa izy koa milaza hoe vazimba.

Anontanio Ricky e!!! Fa raha te hanao fikarohana dia tsara ny mikaroha boky na tahirin-kevitra manadihady manokana momba ny Vazimba. Ireto misy boky vitsivitsy dia mazotoa mikaroka fa tsy ampy velively ny adihevitra ataontsika eto. Dia manaova fikarohana momba izany fa mbola vitsy ny Malagasy mirotsaka amin'izany, ny ankamaroany dia ny teratany vahiny. Koa mamporisika anao hikaroka sy hanoratra momba izany raha hitanao manentana anao ilay izy. Mila mikaroka isika fa tsy hianona amin'ny honohono eto fotsiny

Ireto ary ilay antontam-boky hokarohina :

1. E. BIRKELI, Vazimba de la cote ouest de Madagascar : notes d'ethnologie, Imprimerie moderne de l'Emyrne, Pitot de la Beaujardière, Tananrive, 1936.

2.Alfred GRANDIDIER, Note sur les Vazimba de Madagascar, Ed. Gauthier-Villars et fils, Paris, 1888.

3. Raymond DECARY, Madagascar 1916-1945, Les regards d'un administrateur-ethnographe, éd. Azalées, 2002.

4. SCHOMERUS-GERNBOCK L., Die Vazimba. Eine dringende Forschungsaufgabe in Madagaskar, in. Bulletin of the International Committee on Urgent Anthropological and Ethnological Research Wien, 1967, no9, pp. 27-30 (notes)

5. Ph. RAZAFINDRARAOTY, Lovan-tsofina vazimba, Antananarivo, Ny Sakaizan’ ny Tanora, 1977.

6. E. RALAIMIHOATRA, Le peuplement de l’Imerina, (Yaoundé-Paris) Bulletin de liaison des professeurs d’histoire et de géographie d’Afrique et de Madagascar, 1969, n° 1, p. 9.

7. Fred RAMIANDRASOA, De la tête des Vazimba, (Antananarivo), Ambario, 1978, n° 1, pp. 133-136.

8. FLACOURT, Histoire de la Grande Ile Madagascar, 1658.

9. Susan DWORSKI, The invisible Vazimba, Porcellana Press (Venice, CA), 2001.

10. Lars Vig, Bruno Hübsch, François Rakotonaivo, Les conceptions religieuses des anciens Malgaches, éd. KARTHALA , 2001.

11. André DANDOUAU, G. S. Chapus, Histoire des populations de Madagascar, éd. Larose, 1952.

12. Alfred GRANDIDIER, L'origine des Malgaches, Imprimerie Nationale, 1901.

13. Marie-Claude CHAMLA, Recherches anthropologiques sur l'origine des Malgaches: craniologie et éléments de somatologie, Ed. du Muséum, 1958.

Teratany vahiny no betsaka nanoratra ka dia anjaranao no mahita izay ho raisina sy havela. Hatreo aloha fa dia mazotoa amin'ny fikarohana e! hihihi! Mila finiavana an!. Am-pitivavana e!