Antso ho fampiroboroboana ny aterineto eto Madagasikara
![](https://avatar.serasera.org/5cdb9c2d5da62e7094b438168299b4ae.jpg)
1. nirijimka
(
29/10/2007 11:33)
Efa imbetsaka no voaporofo fa kinga amin'ny fikirakirana haitao vaovao ny eto Madagasikara. Raha efa nivezivezy manerana ny firenena ianao dia hibaribary aminao fa tsy voatery natokana ho an'ny sarangan'olona ambony monina an-tanan-dehibe ihany io fampiasana haitao vaovao io: Tsikaritra aza fa maro ny olona mahay mampiasa finday, fihainoana sy fijerena rakikira na rakitsarimihetsika VCD na MP3, MP4 ary mitady ny fomba rehetra ahafahana mampandeha ireny fitaovana ireny any amin'ny faritra maro tsy tongan'ny herin'aratra akory.
Ao anatin'izany haitao maro izany dia hita taratra fa ny fampiasana aterineto ,no fitaovana mahabe fanantenana indrindra hampandrosoana an'i Madagasikara.
Volana vitsivitsy izay dia nahitam-pivoarana ny fifandraisana amin'ny aterineto, efa mihatakatry ny fahefa-mividy kokoa ny tolotra omen'ny orinasa misahana izany ary mihahaingana kokoa sady tsy miovaova loatra ny fikorianam-pifandraisana.
Noho ny fisian'ny cybercafés, ny halakim-pifandraisana ary ny fanovozan-tserasera amin'ny alalan'ny finday dia efa mihamora kokoa ny hidirana amin'ny aterineto. Mety ho tsy misy dikany loatra izany fivoarana izany ho an'ny olona tsy mbola niditra aterineto. Mihevitra kosa anefa izahay fa tahaka ny nizaran'ny olona mpampiasa onjam-peo mivezivezy an-tendro roa (AM) ho amin'ny fiovaovan-katetik'onjampeo (FM) tamin'ny taona 1991 teto Madagasikara ity fivoarana atrehintsika etoana ity.
Fomba fiteny moa fa misy ny hantsana arak'isa ateraky ny tsy fitoviam-pahafahana mikirakira haitao arak'isa. Tsy azo lavina ny fahasahiranan'ny tsirairay hahazoana izany finday izany na solosaina na hampiasa izany aterineto izany, na izay zavatra rehetra sokajiana ho haitaon'ny fampahalalam-baovao sy ny serasera (TIC). Mety ho olana amin'izany ny vola, ny halaviran-tany na ny kolontsaina ihany koa.
Na eo aza izany dia mora dinganina kokoa noho ny sisintany iraisan'ny firenena roa io hantsana arak'isa io ary antony be dia be no ahafahana milaza fa azo tanterahina izany dingana izany. Mora kokoa ho an'ny tanora Malagasy mipetraka amin'ny tanandehibe antonontonony ny manovo fahalalana amin'ny alalan'ny fianarana an-tserasera noho ny handeha any amin'ny Oniversite eto an-toerana na any ampitan-dranomasina. Mora kokoa ho an'ny olona avy amin'ny toerana samihafa sy saranga tsy mitovy ny mifankafantatra sy miaramiasa amin'ny alalan'ny aterineto fa sarotra izany raha tsy misy aterineto.
Ny fisian'ny karazan'olona niandohan'ity lahatsoratra vakianao ity no ohatra velona maneho aminao ny fampifanatonan'ny aterineto ny olona. Ny masontsivana roa hany mba iraisanay manko dia noho izahay samy Malagasy na mipetraka eto Madagasikara sy ny nampiasanay ny aterineto ihany.
Misy aminay no mivelona amin'ny haitaon'ny fampahalalam-baovao (fifandraisana no marina kokoa), ary misy aminay ihany koa no mpampiasa tsotra efa zatra na tsia ny aterineto. Misy aminay no mipetraka eto Madagasikara, ary misy aminay ihany koa ny avy any ampielezana any. Mbola tanora ny sasany aminay raha efa lehibe kokoa ny hafa. Efa mpikambana anatina fikambanana (tahaka ny namana serasera Dago na Foko Madagascar) ny sasany raha tsy mbola mpikambana na aiza na aiza kosa ny hafa. Misy ny efa mifankafantatra anaty fiaraha-monina saingy ny maro an'isa kosa dia tany amin'ny dinika (forum) na tany amin'ny bilaogy tany no nifankalala.
Mieritreritra izahay fa afaka hampandrosoana an'i Madagasikara ny fitaovan-tserasera nampifanatona anay(aterineto) nefa mbola tsy nampiasaina loatra na tsy tsara trandraka.
Maniry indrindra izahay ny hampiasan'ny olondrehetra tsy anavahana ny aterineto, ny hampitomboana ny ambaindain'ny mpampiasa azy ary ny hitarihan-dalana koa ireo mba hanandrana hampiasa ny aterineto.
Maniry indrindra izahay mba ho maro kokoa ny Malagasy, tanora indrindra indrindra, hampiasa ny aterineto ho fitaovana hanamorana sy nahatsarana ny fiainana andavanandrony sy hampivelarany ny mahaolona.
Maniry idrindra izahay mba ho afa-mampiasa aterineto ny sekoly miankina sy tsy minakina hatramin'ny sekoly ambony mba ahafahany manome fampianarana tsara sy mendrika kokoa.
Mamporisika ireo izay efa mampiasa aterineto koa izahay tsy hianona fotsiny amin'ny fampiasa hatramin'izay tahaka ny mailaka, ny karajia, ny tranokalam-pitadiavam-bady ary ny tranonkala hafa fa mba hivoatra hikaro-java-baovao, hahaleo tena amin'ny fikirakirana fitaovana hafa rehetra mety ampiasana ny aterineto.
Maniry indrindra izahay ny hiroboroboan'ny teny malagasy amin'ny aterineto sy ny mba hahitana ao ny hevitry ny Malagasy eto antoerana sy any ampitandranomasina.
Maniry indrindra izahay mba ho fitaovam-panehoan-kevitra demokratika sy ho fitaovam-pampandrosoana tokoa eo amin'ny malagasy ny aterineto fa tsy ho fanaovana tora-po fotsiny.
Efa manomana hetsika vitsivitsy azo atao izahay:
__ Manatona sekoly maromaro sy mampahafantatra azy ireo ny aterineto amin'ny alalan'ny fanazavana sy ny fizarana trakitra (na boky) ary manome fanofanana amin'ny fomba fampiasana aterineto.
__ Managona loharanom-baovao rehetra mety hahaliana ny Malagasy ary mametraka ny rohy amina bilaogy anankiray ary any aoriandriana any dia manokatra varavaram-ben-tserasera mirona amin'ny fanabeazana sy mifanaraka amin'ny zavamisy eto Madagasikara.
__ Manohana ireo vondrompampianarana an-tserasera tahaka ny tetikasa " schoolnet Africa"
__ Manome sehatra ho an'ny daholobe tsy anavahana taona sy saranga hanehoanay hevitra amin'ny alalan'ny karazana kilalao ataon'ny tetikasa sahala amin'ny "sixmilliardsd'autres".
Koa manasa anareo rehetra liana amin'ity fandraisana andraikitra ity sy ny manan-kevitra rehetra handray anjara hiara-midinika aminay amin'ny antsipirihany ny asa hotanterahina:
__ Amin'ny alalan'ny fivoriana hotanterahina ao amin'ny tranombokin'ny Firenena Mikambana (CINU) Antahavola (afaka barazy Ambasady USA io ka izay manatrika indrindra) amin'ny alarobia 31 oktobra manomboka amin'ny dimy hariva.
__ Na hifandray amin'ny alalan'ny dinika ao amin'ny dinika serasera.org amin'ity lohahevitra ity ao amin'ny toerana voatokana hanaovana izany.
Ao anatin'izany haitao maro izany dia hita taratra fa ny fampiasana aterineto ,no fitaovana mahabe fanantenana indrindra hampandrosoana an'i Madagasikara.
Volana vitsivitsy izay dia nahitam-pivoarana ny fifandraisana amin'ny aterineto, efa mihatakatry ny fahefa-mividy kokoa ny tolotra omen'ny orinasa misahana izany ary mihahaingana kokoa sady tsy miovaova loatra ny fikorianam-pifandraisana.
Noho ny fisian'ny cybercafés, ny halakim-pifandraisana ary ny fanovozan-tserasera amin'ny alalan'ny finday dia efa mihamora kokoa ny hidirana amin'ny aterineto. Mety ho tsy misy dikany loatra izany fivoarana izany ho an'ny olona tsy mbola niditra aterineto. Mihevitra kosa anefa izahay fa tahaka ny nizaran'ny olona mpampiasa onjam-peo mivezivezy an-tendro roa (AM) ho amin'ny fiovaovan-katetik'onjampeo (FM) tamin'ny taona 1991 teto Madagasikara ity fivoarana atrehintsika etoana ity.
Fomba fiteny moa fa misy ny hantsana arak'isa ateraky ny tsy fitoviam-pahafahana mikirakira haitao arak'isa. Tsy azo lavina ny fahasahiranan'ny tsirairay hahazoana izany finday izany na solosaina na hampiasa izany aterineto izany, na izay zavatra rehetra sokajiana ho haitaon'ny fampahalalam-baovao sy ny serasera (TIC). Mety ho olana amin'izany ny vola, ny halaviran-tany na ny kolontsaina ihany koa.
Na eo aza izany dia mora dinganina kokoa noho ny sisintany iraisan'ny firenena roa io hantsana arak'isa io ary antony be dia be no ahafahana milaza fa azo tanterahina izany dingana izany. Mora kokoa ho an'ny tanora Malagasy mipetraka amin'ny tanandehibe antonontonony ny manovo fahalalana amin'ny alalan'ny fianarana an-tserasera noho ny handeha any amin'ny Oniversite eto an-toerana na any ampitan-dranomasina. Mora kokoa ho an'ny olona avy amin'ny toerana samihafa sy saranga tsy mitovy ny mifankafantatra sy miaramiasa amin'ny alalan'ny aterineto fa sarotra izany raha tsy misy aterineto.
Ny fisian'ny karazan'olona niandohan'ity lahatsoratra vakianao ity no ohatra velona maneho aminao ny fampifanatonan'ny aterineto ny olona. Ny masontsivana roa hany mba iraisanay manko dia noho izahay samy Malagasy na mipetraka eto Madagasikara sy ny nampiasanay ny aterineto ihany.
Misy aminay no mivelona amin'ny haitaon'ny fampahalalam-baovao (fifandraisana no marina kokoa), ary misy aminay ihany koa no mpampiasa tsotra efa zatra na tsia ny aterineto. Misy aminay no mipetraka eto Madagasikara, ary misy aminay ihany koa ny avy any ampielezana any. Mbola tanora ny sasany aminay raha efa lehibe kokoa ny hafa. Efa mpikambana anatina fikambanana (tahaka ny namana serasera Dago na Foko Madagascar) ny sasany raha tsy mbola mpikambana na aiza na aiza kosa ny hafa. Misy ny efa mifankafantatra anaty fiaraha-monina saingy ny maro an'isa kosa dia tany amin'ny dinika (forum) na tany amin'ny bilaogy tany no nifankalala.
Mieritreritra izahay fa afaka hampandrosoana an'i Madagasikara ny fitaovan-tserasera nampifanatona anay(aterineto) nefa mbola tsy nampiasaina loatra na tsy tsara trandraka.
Maniry indrindra izahay ny hampiasan'ny olondrehetra tsy anavahana ny aterineto, ny hampitomboana ny ambaindain'ny mpampiasa azy ary ny hitarihan-dalana koa ireo mba hanandrana hampiasa ny aterineto.
Maniry indrindra izahay mba ho maro kokoa ny Malagasy, tanora indrindra indrindra, hampiasa ny aterineto ho fitaovana hanamorana sy nahatsarana ny fiainana andavanandrony sy hampivelarany ny mahaolona.
Maniry idrindra izahay mba ho afa-mampiasa aterineto ny sekoly miankina sy tsy minakina hatramin'ny sekoly ambony mba ahafahany manome fampianarana tsara sy mendrika kokoa.
Mamporisika ireo izay efa mampiasa aterineto koa izahay tsy hianona fotsiny amin'ny fampiasa hatramin'izay tahaka ny mailaka, ny karajia, ny tranokalam-pitadiavam-bady ary ny tranonkala hafa fa mba hivoatra hikaro-java-baovao, hahaleo tena amin'ny fikirakirana fitaovana hafa rehetra mety ampiasana ny aterineto.
Maniry indrindra izahay ny hiroboroboan'ny teny malagasy amin'ny aterineto sy ny mba hahitana ao ny hevitry ny Malagasy eto antoerana sy any ampitandranomasina.
Maniry indrindra izahay mba ho fitaovam-panehoan-kevitra demokratika sy ho fitaovam-pampandrosoana tokoa eo amin'ny malagasy ny aterineto fa tsy ho fanaovana tora-po fotsiny.
Efa manomana hetsika vitsivitsy azo atao izahay:
__ Manatona sekoly maromaro sy mampahafantatra azy ireo ny aterineto amin'ny alalan'ny fanazavana sy ny fizarana trakitra (na boky) ary manome fanofanana amin'ny fomba fampiasana aterineto.
__ Managona loharanom-baovao rehetra mety hahaliana ny Malagasy ary mametraka ny rohy amina bilaogy anankiray ary any aoriandriana any dia manokatra varavaram-ben-tserasera mirona amin'ny fanabeazana sy mifanaraka amin'ny zavamisy eto Madagasikara.
__ Manohana ireo vondrompampianarana an-tserasera tahaka ny tetikasa " schoolnet Africa"
__ Manome sehatra ho an'ny daholobe tsy anavahana taona sy saranga hanehoanay hevitra amin'ny alalan'ny karazana kilalao ataon'ny tetikasa sahala amin'ny "sixmilliardsd'autres".
Koa manasa anareo rehetra liana amin'ity fandraisana andraikitra ity sy ny manan-kevitra rehetra handray anjara hiara-midinika aminay amin'ny antsipirihany ny asa hotanterahina:
__ Amin'ny alalan'ny fivoriana hotanterahina ao amin'ny tranombokin'ny Firenena Mikambana (CINU) Antahavola (afaka barazy Ambasady USA io ka izay manatrika indrindra) amin'ny alarobia 31 oktobra manomboka amin'ny dimy hariva.
__ Na hifandray amin'ny alalan'ny dinika ao amin'ny dinika serasera.org amin'ity lohahevitra ity ao amin'ny toerana voatokana hanaovana izany.
novalian'i adler ny 29/10/2007 18:11
![](https://avatar.serasera.org/1f3686f945c8c2bab862244de2f44e0c.jpg)
2. glou
(
29/10/2007 13:27)
araky io tatitra io ambony io dia manasa antsika rehetra eto @ serasera namana dago indrindra ny eto Tana mba handray anjara @ fampivoarana ny tranokala sy ny interneto eto Madagasikara, araky ny tanjona sy programan' asa an' isany izay ataon' ny namana serasera Dago, dia niaraka t@ ireo mpikirakira ny interneto eto Madagasikara , bloggeur etc... ka tapaka fa hanao vinavinan' asa hiarahana ka mbola hisy indray ny fihaonana sy dinidinika arak' itsy voalaza ambony itsy ny hanatanterahana ny dinik' asa izay atao, efa misy ny efa tapaka fa ny fomba hanatanterahana azy no mbola asa ho atao ka manasa antsika rehetra fa ny hevitra tsy azo raha tsy maro an' isa , ny fotoana dia ao @ tranom-bokin' ny firenena mikambana ny alarobia 31 oktobra ho avy izao @ 5 ora hariva ,
ka manasa antsika rehetra ,
ny namana serasera dago
ka manasa antsika rehetra ,
ny namana serasera dago
![](https://avatar.serasera.org/9bd61932fe79c8b1b4bbbed9bdc4b57f.jpg)
3. jentilisa
(
29/10/2007 15:16)
Dia te-hilaza ihany koa aho hoe tsy tara tsy akory raha amin'io alarobia io vao tonga satria eo ampanombohana indrindra isika amin'io fotoana io.Fa dia tongava e!
![](https://avatar.serasera.org/ae131915396ed2f27752c043e123897e.jpg)
4. adler
(
29/10/2007 18:11)
Hay nisy anankiroa ilay izy, fa efa nataoko tary amin'ny ilany ilay hevitro : http://forum.serasera.org/index.php?rub=dinika/message&msgid=m4725bfabcaa4f