Tena tsy ampy mihintsy koa ny fitaovana entin'ny ankizy mianatra e. Ny lakilasy aloha dia efa tsy zarizary, izay navelan'ny cyclone no mba mitsanagana eo.
Tao amin'ilay toerana nisy ahy dia misy EPP iray, misy mpampianatra iray izay zanantany any an-toerana ihany. Ny mpianatra no mitondra ny sakafon'io mpampianatra io (vary iray kapoaka avy isan'olona isambolana, akondro, café, sns). Mamboly ihany koa io Ramose io rehefa nomen'ny ampanjaka zara-tany atao ampahambokatra. Kamo i Ramose fa izy irery tsinona fa ilay iraikalahy tokony nanampy azy tsy salama dia lasa nody any Fianarantsoa hamonjy ny vady amanjanany.
Ny ankizy tsy misy fitaovana fa dia ireny PQ ravinala ireny no hanoratana. Normal be raha kivy sy ketraka.
Anisan'ny zavatra iray mahakamo ny zaza andeha antsekoly koa ity filozofiantsika mikapojanaka sy mikapojaza ity. I Ramose rehefa kivikivy any dia toa mikapoka mafy, misy mandohalika amin'ny kapisily izany mihintsy aza, ka aiza ny zaza no hazoto, lasa mivangabao ny hiafarany.
Olana iray hafa koa, ny atao hoe Chef lieu du fokontany (quartier) satria eo no misy ny fianarana, ilay atao hoe fokontany anefa dia tanàna 5 miparitaka (hammeaux) izay mielanelana 3-5km eo ho eo, ka ny ankizy ao Tanambao ohatra dia mandeha tongotra lavitra vao tonga ao Ambodivoahangy isan'andro rehefa andeha hianatra, satria ao ihany no misy ny mpampianatra.
Ny zavatra farany nahakivy ahy momba ny ho avin'ireo tànana ireo dia ny fisian'ireo olona nahita fianarana izay manambaka sy mirary mihintsy aza ny tsy hivoaran'ny tànana. Anisan'ny noraisin'izy ireo ho karazana fahavalo ny tenako rehefa tonga nonina tao namita ny mission-ko, hany ka notadiavany contrôler-na daholo ny mouvement-ko rehetra hatramin'ny hoe inona no rapport hataoko. Niresaka tamin'izy ireo ihany koa ny tenako saingy somary hita be ilay tsy fankasitrahana.
Ny nahatonga an'io indray dia izao: nisy bandy nianatra tany ex-URSS zanaky ny ao an-tànana ihany ary nanambaka ireto Tangalamena amin'ny resaka tany izay nofaritany ho azy ary niraisany tsikombakomba amin'ireo notable tamin'izany andro izany. Anisan'ny votoatin'ny diako tany ny hijery an'io olana io akaiky satria efa nandefa fitarainana ny olona.
Ny olana mipetraka mantsy dia ny resaka fahefana, mifanipaka ny fahefana nentindrazana sy ny fahefana ara-mpanjakana, ary ny fananantany araky ny fomba tsy mitovy ny fananantany arampanjakana, ka eo foana no hanararaotan'ny olona mahay taratasy ireo tsy mahay, ny fanaovana titre foncier izany. ary ny olona manao an'io matetika dia zanantany nahita fianarana avy tao ihany satria afaka ataony ny miteny hoe efa nanao mis en valeur tao aho nandritry ny 30 taona ka hanao prescription acquisitive, dia azony ny taratasy.
Izay aloha ny anio fa mazotoa indray.
