Ry havana malala ,
" Mba ho iray ihany izy rehetra" Jaona 17: 21
Miala tsiny izahay ray aman-drenin'i Rudy raha manoratra ho anareo ity taratasy ity.
Rudy dia zaza enin-taona. Narary izy nandritry ny volana vitsivitsy tany an-tanindrazana. Voatery nentina aty Frantsa notsaboina izy nanomboka tamin'ny 01 febroary.
Izy sy ny reniny Lady no niaraka nitolona tamin'izany. Ny 28 febroary dia nafaran'ny dokotera tao Necker ny rainy satria hitan'izy ireo fa efa sarotra be ny hitsaboana an'i Rudy.
Tamin'ny 23 martsa lasa teo no nandao antsika Rudy. Zaza nahafinaritra kely izy, nitsiky lava , tia olona sady tia nivavaka.
Nanao antso avo taminareo izahay tamin'i Rudy mbola narary, betsaka ianareo no efa namaly izany antso nataonay izany.
Amin'izao fotoana anefa dia tianay ray aman-dreniny ny hitondra azy any an-tanindrazana.
Mangataka ny hitondrana am-bavaka azy sy fanampiana avy any aminareo izahay.
I Rudy dia ao amin'ny "morgue" ny hopitaly Necker. Izay manana faniriana ny hijery azy dia afaka manao izany manomboka amin'ny 1 ora tolak'andro ka hatramin'ny 4 ora hariva.
Ny famangiana dia azo tanterahana ao Necker amin'ireo ora voalaza ireo na any Courdimanche 24 rue du Fief à Cavan manomboka amin'ny enina ora sy sasany hariva.
Telefaonina azo hantsoina: 06.70.34.23.08 (Lobo) - 06.83.03.84.15 (Mirana)
Misaotra anareo eram-po eran-tsaina izahay mivady.Andriamanitry ny fiadanana anie hitahy sy homba anareo tsirairay avy.
Lady sy Ursul (ray aman-drenin'i Rudy)
================================
NDLR :
Hôpital Necker-Enfants Malades
149 rue de Sèvres
PARIS 15è
24 rue du Fief à Cavan
95800 Courdimanche (Val d'Oise)
