De mbola miandry ny fanazavana lava be zany ny aty fa misaotrra ho an'zay efa namaly .

xxx> Mino aho fa efa voavalin'i booboo ny fanontaniana...
Marina tanteraka koa nefa ny lazain'i fiffi fa ny fahoriana mafy indrindra d izay nolalovan'i Kristy... ka na Andriamanitra aza Izy dia efa naka endrika ho olona ary nampiharina taminy ny sazy mendrika an'izao tontolo izao... ka raha Izy aza nanaiky hatr@ fahafatesana noho ny fitiavana ny mpanota... izy tsy mba nanome tsiny n'iza n'iza, tsy mitsara an'Andriamanitra ho masiaka... d isika v no handeha hitsara ny sitrapony?...

Eritreritro fotsiny ity... mety hahasoa na tsy hahasoa ny hafa, araka ny fandraisana azy ihany. Ny niatombohan'ny resaka dia hoe: iny no lalana nomen'Andriamanitra azy, làlana niantsoan'Andriamanitra azy. "Andriamanitra no mandahatra"...

Andriamanitra Mpandahatra?

Ny zavatra tonga ao antsaina voalohany rehefa maheno voina iray dia hoe "lahatr'Andriamanitra izao". Misy tokoa mantsy zavatra izay tsy fantatra mazava ny antony, olona maty tanora tampoka, fijaliana manjo fianakaviana iray, loza voa-janahary... dia ny fampiononana azy ireny dia hoe izay no sitrapon'Andriamanitra. Fa tena sitrapon'Andriamanitra tokoa ve izany? Sitrapon'Andriamanitra ve ny mahita ny zanany marary mafy sy mijaly noho ny fahoriana? Sitrapon'Andriamanitra ve no mahita olona 3000 indray maty tamin'ny 11 septambra? Dia "voasoratra tao anatin'ny bokin'Andriamanitra ve" hoe i John ho faty amin'iny andro iny fa i Jack mbola tsy ho faty?
Ny azo hamaliana azy voalohany angamba dia eo amin'ny ezaka fahafantarana an'Andriamanitra. Nolazainy, tamin'ny alalan'ny fanambaràny hatramin'izay sy tamin'ny asany, fa Andriamanitra dia Fitiavana. Ary tsy vitan'ny hoe Fitiavana fotsiny fa Fitiavana mandrakizay izany hoe tsy hita pesimpesenina ny hatsarany. Koa mifanohitra avy hatrany amin'Andriamanitra ny haratsiana... ary tsy ho sitrapon'Andriamanitra mihitsy ny ratsy. Ny zavatra hita anefa dia be dia be ny zavatra (ratsy) mitranga... dia tsy avy amin'Andriamanitra ve ireny? Tsy mandahatra ve izany Andriamanitra? Mandahatra izy kah. Tahaka antsika dia manana ny eritreriny sy ny vinavinany ihany koa izy. Ary ny vinavinany sy ny fandaharany dia voafonon'io maha Fitiavana azy io hatrany. Izany hoe isaky ny maminavina Andriamanitra dia zavatra tsara no vinavinainy, ary isaky ny miasa Andriamanitra dia asa tsara no ataony (cf. Gen. 1 - 2). Koa tsy avy amin'Andriamanitra izany ny ratsy. Ny atao hoe faharatsiana eto dia tsy izay ratsy eo amin'ny vokany fotsiny (mal dans l'effet) fa na dia eo amin'ny antony aza (mal dans la cause). Izany hoe ratsy ihany koa raha toa ka zavatra tsara nivoaka avy tamin'ny zavatra ratsy. Io farany io dia mahafoaka ilay resaka hoe fikapohana sy fanasaziana (cf. Joba)
Ny hamaliana azy faharoa dia eo amin'ny ezaka fahafantarana ny olombelona. Ny olombelona dia nomen'Andriamanitra ny fahefana rehetra ("Andao isika hanao olona mitovy endrika amintsika")... ary efa niezaka ny hihoatra izany fahefana nomena azy izany ("Hitovy amin'Andriamanitra ianareo raha mihinana ny voan'ny hazo"). Fitiavan'Andriamanitra koa izany na dia hitany aza fa tsy voafehin'ny olombelona ny fahefana nomena azy. Ao anatin'ny fahefana (capacité) nomena ny olombelona ny fahafahana. Ka na dia manana ny fandaharany aza Andriamanitra dia navelany higoka tanteraka amin'io fahafahana io ny olombelona. Dia eo no mitranga ny faharatsiana. Tsy vokatry ny asa nataon'Andriamanitra izany ny faharatsiana fa vokatry ny tsy fahaizan'ny olombelona mandamina ny fahefany. Ka ireo ratsy rehetra izay mitranga etsy sy eroa dia mifandray amin'io fahafahana nomena ny olombelona io avokoa.

Tsy pelagianism ve izany?

I Pelagius (354-440) dia niteny hoe tompon'andraikitra tanteraka amin'ny tsara sy ny ratsy vitany ny olombelona noho izany tompon'andraikitra tanteraka amin'ny Famonjena sy ny Fahaverezana azony. Ho an'i Pelagius izany dia tsy nilaina akory ny fisian'ny atao hoe fahotana tamin'ny fototra. Ny fahafahan'ny olombelona raha jerena amin'io lafiny io dia pelagianism tokoa. Saingy ny fahafahan'ny olombelona lazaina etsy ambony dia fahafahana eo ambanin'ny fiahian'Andriamanitra. Andriamanitra dia manolotra ny sitrapony hotanterahina sy ny ratsy hialàna... fa ny olombelona kosa, noho ny fahafahany, dia misafidy izay hitany fa mety aminy. Io dia mety tsy hifanaraka akory amin'ilay sitrapon'Andriamanitra etsy ambony. Raha tokony hoe L'homme propose et Dieu dispose izany dia lasa hoe Dieu propose (le bien) et l'homme (dans sa liberté) choisit. Izay indrindra no nanoheran'i St. Augustin ny pélagianism ka nilazany fa ny lahatr'Andriamanitra ho an'ny olona rehetra dia ny mba hiaina ao anatin'ny fahasoavany. Tsy misy izany ny voasoratra manokana ny ho ratsy na voafidy manokana ny ho tsara... nofidiany ho tsara daholo ny olombelona fa vokatry ny safidin'ny olombelona no nahatsara sy naharatsy ny fiafarany.

Inona ny sitrapon'Andriamanitra?

Ny tena olana matetika dia ny tsy fifanandrifian'ny sitrapontsika amin'ny sitrapon'Andriamanitra. Ka vetivety ery ilay fitenenana hoe "Izay no sitrapon'Andriamanitra". Tena azo antoka ve fa sitrapon'Andriamanitra ilay mitranga amin'izay fotoana izay? Sa tonga dia tsorina fotsiny hoe matoa tanteraka dia sitrapon'Andriamanitra? Sao dia fanamelohana an'Andriamanitra io filazana io? Sao dia mba ny olombelona no tompon'Andraikitra nefa Andriamanitra no ampidirina? Tsy tahaka ny manendrikendrika an'Andriamanitra ve izany?
Diso fangataka mantsy isika matetika. Indraindray tsy mifanaraka amin'ny sitrapony akory fa vokatry ny fangatahantsika ary tsy hitany izay maharatsy azy dia manampy antsika amin'izany koa izy. Tahaka ny zazakely ihany isika. Misy ny ankizy mangataka mafy ny hividianan'ny ray aman-dreniny bisikleta kely. Rehefa vidiana iny dia milalao izy... dia rehefa elaela dia mety hangataka ny mifanohitra tanteraka amin'iny indray ilay ankizy, baolina ohatra. Toa izany koa, matetika dia ny sitrapontsika no avelan'Andriamanitra ho tanteraka.
Koa raha tena maniry ny ho ao anaty sitrapon'Andriamanitra marina dia tokony mangataka ilay sitrapon'Andriamanitra. Avela amin'izay Andriamanitra no hampiseho ny sitrapony. Ny olona iray izay mangataka amin'Andriamanitra ny làlana tokony halehany dia tsy mitovy amin'ny olona izay mangataka amin'Andriamanitra handeha amin'izay lalana heveriny fa tian'Andriamanitra halehany.

Raha iverenana amin'izay ny fanontanian'i xxx ery amin'ny voalohany mifandray amin'io zavatra nosoratako io dia tena fampiononana fotsiny tokoa io matetika. Tsy misy afaka mitompo teny fatratra hoe inona no sitrapon'Andriamanitra. Toa ny Ray mahita ny fahorian'ny zanany dia inoako fa miara-miory sy miara-malahelo amintsika Andriamanitra mandritra io fotoana io... ary izay no fampiononana lehibe indrindra. Ka ny vavaka azo atao mandritra ny trangan-javatra toa ireny dia ny mangataka amin'Andriamanitra indray ny hery ahafahana mizaka ny fahoriana.

tena mampiheritreritra lalina dia lalina tokoa ireo voalazanao ireo ry Hery an! Ka de aleo aloha hadihadiana lalina .
Miheritreritra fotsiny aho dien'zao hoe lahatr'Anedriamanitra tokoa ve ny zavatra mitranga , fahoriana sns....sa ve ny finoana hiany no mitondra an'io hoe lahatr'Andriamanitra avoko zay miseho sy mitranga ?
Fa aleo aloha dinihana miadana ireo volazanao ireo.

vao avy nizotra tamin'io aho tsy ela akory izay.

Ny andraisako an'io size io dia izao hoe: tena Marina

c'est mon expérience personnel , ka dia misaotra azy aho t@ nahafatesan'i dada t@ 05 juillet teo, fa Atra mitsinjo antsika rehetra izy ary mahalala ny tokony ataony. Aoka tsy ho tia tena isika hoe: tiana ho velona hiaraka amintsika foana ilay olona akaiky anao kanefa izy aza efa souffrant be nandritra ny taona maro na volana na andro. Amin'izao fotoana koa dia lafo ny vidin'ny fanafody any dago, ary izany rehetra izany tokony eritreretina daholo.
Fa raha efa nahavita ny mission-nao ianao milaza @ilay olona fa mila mandray an'i Jesosy izyalohan'ny hahafatesany ,dia izay no zava-dehibe amiko.
Na dia ho alain'Atra aza ny manodididna ahy rehetra dia tsy mampaninina ahy izany satria fantako fa hihaona any an-danitra izahay.
Fandalovana ny eto antany.
Vovoka isika ary mbola hody vovoka ihany koa.
Samy miandry ny fotoany avy
Io Atra Tout puissant io raha tena mino azy isika dia mahavita zavatra mahagaga eo @ fiainanao izay tsy takatry ny saintsika olombelona

"Andramo ka izahao fa tsara Jehovah"

Taorian'io fahafatesana io dia nisy havana akaiky ahy 4 maty hafa ihany koa.Raha tsy manana an'i Jesosy ianao dia lavo, kanefa noho ny firaisana aminy dia afaka mitraka @ fiainana foana isika satria efa Jesosy no mitantana ny fiainanao.
Tena sarotra mihitsy ny mino izany hoe: tsy mahalatsa-dranomaso izany ianao nefa olona akaiky anao no maty, olona tsy foinao, tsy nikasi-tanana anao hatr@ nahakely anao ka hat@izao.
Ny isaorako azy dia ny nitaizany ahy t@ fivavahana.

Nisy olona nijoro vavolombelona tahaka izao t@ izao 17ans , maty ny zanany. Dia tsy nitomany ry zareo , tsy hita teo aminy ny marika hoe: manjombona. Dia nataon'ny olona firesaka ry zareo. Izaho moa t@izany 17 ans dia mba tonga saina ihany koa ary tsy nahazo an'ilay comportement-ny. Fa @izao fotoana izao dia nampahafantarin'i Tompo ahy ilay izy ary tsapako fa misy fiadanana ato ampoko. Tsy misy alahelo.
Mety misy tsy mahazo ny tiako lazaina fa dia Ny Fanahy Masina hiasa ao anatinareo hanazava azy.
Bon courage daholo

De mbola mamerina ny fisaorana indray.
Ny fehiny zany de Atra mahay ze zavatra hahasoa antsika rehetra.

Mahafinaritra fa tena mahay mamakafaka ny Tenin'ny Soratra Masina isika fa izao no tsarovy kely iza moa no mpaminany na tao amin'ny testamenta taloha na ao amin'ny testamenta vaovao no nilaza nahafantatra na namaritra hoe Andriamanitra. Amiko mantsy dia ny Finoana no mahaolon'Andriamanitra

Raha tsy miaina ao anatin'ny finoana koa ny olona dia very e. Samy manana izay inoany io na Atra na hafa, na iza.

Ty hiran'i poopy ty koa no tena hitako mahafehy an'ty dinika ty

MIFONA



Aoka re tsy ho tsiniko
Ry Tompoko Andriamanitro , ny teniko sy ny fitarainako
Eny fantatro tsara moa
O ry Tompoko Andriamanitro ny andrasanao
Ka tokony aharitra aho


Nefa fantatrao ny ao am-poko ao
Fa mitady hanjaka ao ny ratsy
Te hamaly anao hoe ahoana moa no angina koa
Fa ianao iankinako tsy hitako
Ka iantrao fa inona moa izahay anatrehanao
Mba iantrao diovy ny fonay
Sitrano ny ahiahy arovinai zahay


Efa fantatrao fa mpanota aho
Nefa mbola niantso anao
Ry Tompoko Andriamanitro
Fa amin'iza moa no hitarainako
Raha maizina ny fiainako tsy ho aminao
TOMPOKO
E fantatrao,ny fo sy fisainanay
E tsinontsinona
Mba hiantrao avy amin'ny teninao
Sitrano ny ahiahy
Arovinao 'zahay

ny fazahoako azy aloha de mila milaza Atra faizy no
mahery ,ary eo ampelantanany ny zavtra rehetra.

[quote=xxx]ny fazahoako azy aloha de mila milaza Atra faizy no
mahery ,ary eo ampelantanany ny zavtra rehetra./quote]Midika ve zany fa hilana porofon'Andriamanitra fa izy no mahery ? na eo am-pelatanany ny zava-drehetra ?

Midika ve zany fa hilana porofon'Andriamanitra fa izy no mahery ? na eo am-pelatanany ny zava-drehetra ?

ny finoanao no porofo

Raha tany @ famoronana dia mazava ho azy fa tsara indrindra izay rehetra noharin’Atra ; satria izy dia Atra fitiavana ary izay indrindra no voasoratra.
Raha nanoratra ny didifolo t@ ratsa-tanany anefa izy dia nanambara ny toetrany fa izy dia Atra saro-piaro kanefa be famindram-po sns…izay aloha no fantatra ; etsy ankilany koa anefa dia tao anatin’izany voary tsara tarehy izany dia nisy ny fitsipika , ary ny fandikàna izany no atao hoe OTA sady efa nambarany talohan’izany koa fa raha mandika io ianareo dia ho faty satria OTA = FAHAFATESANA .Dia nanomboka nahazo an’i Adama sy eva ny fahafatesana ; tsy teo no eo anefa nohon’ny famindrampon’Atra . Nanjary nisy tsilo ny voninkazo ary nalazo sns ……….koa satria fitsipika ao anatin’izany fitiavanY izany ny manaja ny safidintsika izay nirona tany @ fahafatesana satria nanota dia tsy avy aminy velively no nahatonga ny havana akaiky antsika ho faty fa safidintsika.
Nahoana ary Atra no namono t@ andron’ny Noa sy Sôdôma ?
Tsotra ny valin’io; feno OTA ny tany t@ izany andro izany dia tsy maintsy nolevonin’Atra aloha izany ota izany. Tsy ny olona no tian’ Atra ho levonina fa ny ota kanefa ny olona miraikitra @ ota dia maty miaraka ho azy ireo. Ary rehefa any am-parany any dia ho tahaka izany koa.
FEHINY
Diso tanteraka ary tsy ara-tsoratra masina mihitsy ny filazana hoe : Nantsoin’ny Ray hody any aminy na hoe Izy no maka satria:
- J.K mihitsy no efa niteny fa ho avy indray haka anareo ka any @ izay hitoerako no hitoeranareo koa. Dia ahoana no misy fiantsoana tampoka tsy ara-potoana ?
- Atra dia loharanon’ny firaisana sy ny fifankatiavana sy ny fiantrana fa tsy mandahatra velively izao fahoriana mahazo antsika izao; porofon’izany ny planin’ny famonjena izay ahafahantsika mifaly mandrakizay ao aoriana kely fa aza kivy e!!!
- Raha atao hoe Izy no maka ireny havantsika ireny dia atao ahoana no fivavaka @ Atra tahaka izany ? Mahalasa saina ihany …..
Mbola maro ny antony tokony ho lazaina fa nofintinina araka izay azo atao .

Fa hono hoy aho, voaresakareo daholo ny fitiavan\'Andriamanitra, ny toetran\'Andriamanitra, ny fahafahan\'ny olombelona, ny ota, ny fahafatesana... fa tsy misy miresaka ianareo na dia iray aza fa misy hery lehibe (ary tsy madinika mihitsy) miasa, manana ny fahefàny mandrotika ny fiainana, mandainga, manameloka, miampanga, maka fanahy... fa mamono koa ary mahafaty mihitsy aza...
Vakio (raha manam-potoana kely) : Joba 1:1-22 sy Joba 2:1-10
Fa Satana manana fahefàna hamono hahafaty, hanala aina...(ka noferan\'Andriamanitra tsy hanao izany fa ny hizaha toetra an\'i Joba ihany) fa i Joba koa nefa na inona nihatra taminy tsy mba nanota na nanome tsiny an\'Andriamanitra... ary koa tsy ny soa ihany no raisintsika avy amin\'andriamanitra fa ny ratsy koa...

Tohizo ihany fa mamaky fotsiny ahy sisa:lol:

Fa Satàna koa dia manam-pahefàna ny amin'ny hanalàna ny ain'ny olona... ka raha miteny isika hoe ireny olona 3000 maty tary ireny na ireny olona 2000 tatsy ireny, aoka tsy ho voafitaka hoe Andriamanitra avokoa no manao ireny...

Prime>>> Marina mihitsy fa Satana no loharanon’ny Fahafatesana fa voasoratra hoe:Heb 2:14b ..Ilay manana ny herin’ny fahafatesana dia ny devoly….Fa ny antony tsy nilazako azy dia tsy tiako loatra ilay heritreritra manilika any amin’ny Satana foana fa aleo isika mba handray andraikitra na dia sombiny ihany aza….
Ahoana indray ny @ hoe: ..Tsy ny soa ihany no raisintsika avy @ Atra fa ny ratsy koa….
Andeha atao hoe loharanon’ny ratsy koa Atra izay mitosaka aty amintsika…. Angamba tsy ho Atra intsony izy @ izay fotoana izay fa voasoratra hoe…mba hanehoana ny fahamarinany ankehitriny,mba ho marina izy sady hanamarina izay manana finoana ao @ K.J Rom 3:25-26
Andeha ao @ Bokin’i Jôba ihany no amaliantsika azy raha niteny satana tamin’Atra hoe : Tsy ianao va no nanao fefy manodidina azy sy manodidina ny tranony ary manodidina ny ananany rehetra?Notahianao ny asan’ny tànany , ka nanenika ny tany ny omby aman’ondriny..Job 1:10
Manao izay rehetra hahasoa antsika Atra koa ny tiana ambara eto dia hoe ny ratsy avy amin’TRA dia raha miala io fefy io dia ho avy ny fitsapana mavaivay dia antsika ny manohy azy…Iza izany no niavian’ny fikorontanana rehetra? Sns……………

mbelotavao> misaotra nitondra fanazavàna...
fanamarihana : ny voalaza dia tsy ny soa ihany no raisintsika avy amin'Andriamanitra fa ny ratsy koa... rehefa nozahàna toetra i Jôba, ka ny ainy sisa no tsy navelan'Andriamanitra nesorin'i satàna, dia fongana avokoa ny hareny, maty avokoa ny vady aman-janany... avy eo aza rakotr'aretina nanomboka tany an-doha ka hatrany am-paladia ny tenany... nefa hoy Andriamanitra, tsy mba nanota Jôba no sady tsy nanome tsiny an'Andriamanitra...

Ny amin'ny sitrapon'Andriamanitra dia, na ratsy, na faran'izay fahoriana aza no lalana itondrany ny fiainan'ny mpino iray, dia fantany fa mahasoa izany na dia mbola tsy takatra aza ny tiany hatao...