Maro amintsika ato angamba no mpandala ny teny malagasy, za aloha anisany! Indraindray anefa ohatra ny valalan\'amboa ihany ilay izy.

Ny antony voalohany aloha dia ny tsy fahampian\'ny voambolana. Tena taraiky raha samy taraiky mihitsy ny teny gasy amin\'io. Sarotra ho an\'ny akademia tokoa ny hamoaka voambolana ahafahana milaza ny karazan-javatra vaovao rehetra ity, ary ny hampiely an\'izay voambolana navoaka koa eo amina tontolo efa voatondraky ny voambolana vahiny.

Olana manokana ny resaka voambolana siantifika sy teknika. Hatreny ambony kianja filalaovam-baolina aza dia ahitana an\'io lesoka amin\'ny teny gasy io.

Mbola resaka voambolana ihany, tsy mba manana rakibolana feno isika manazava ny voambolana teny gasy rehetra. Raha ampitahaina amin\'ny teny vahiny ihany, ny an\'ny olona misy fanavaozana isan-taona ny rakibolana.

Ny olana hafa koa dia ny tsy fahampian\'ny ezaka ataon\'ny malagasy rehetra. Tsy ampy ny asasoratra amin\'ny teny malagasy, na asasoratra ara-teknika na ara-literatiora, na asasoratra mikasika ny tantara, fomba amam-panao, fitsaboana nentin-drazana, sns ... Tsy ampy ny ezaka ataon\'ny malagasy manangana tahirin-kevitra amin\'ny teny gasy. Misy ihany ny ezaka hanangana indraindray, entin\'ny hambom-po kely tsy manaiky gisitra eny, saingy tsy misy kil mihitsy. Na tsy hiteny afa-tsy ny wikipedia fotsiny aza.

Tsy ampy koa ny fahazotoan\'ny malagasy hampiasa ny teny malagasy. Misy tolotra tahirin-kevitra amin\'ny teny malagasy ohatra, fa ataon\'ny olona hoe mbola hadika teny vahiny indray vao ho azony. Izany hoe tsy misy ilana azy izany ny handaniana ron-doha hanangana zavatra amin\'ny teny gasy satria tsy hisy hamaky akory. Mety efa vokatr\'iretsy ambony daholo ihany ireo, nefa mety izany koa no mahatonga an\'ireo. Cercle vicieux be!

Na ny fitandremana ny tsipelin-teny aza dia efa vitsy sisa no tena mahavita. Tsy zava-dehibe tokoa ireny fa ny hevitra tafita ihany.

Ny teny gasy izany dia teny tsy mba ho azo tenenina amin\'ny fomba madio mihitsy, fa tsy maintsy mifangaro foana. Ary ny zavatra atao amin\'ny teny gasy dia tsy tian\'ny gasy akory, ka tsy misy kil mihitsy : na amin\'ny fanoratana na amin\'ny famakiana. Ny sisa tena ilana ny teny gasy angamba dia ny zava-kanto.

Ka hono hoà, atao inona àry ny teny gasy? Tsy haitraitra ve sisa no ilana azy? Tsy mety hanamora ny fandrosoana ara-teknolojia sy ara-ekonomika kokoa ve raha teny hafa no ampiasaina andavanandro, fa manamaisatra kokoa ny teny gasy? Tsy hanana ny valeur-ny kokoa ve ny teny gasy raha any amin\'ny \"luxe\" no misy azy?

mmhh misy marina ihany ny teninao nefa moa atao ahoana fa isika tompony anie no miavona ny tenintsika e!, raha samy miezaka izao isika rehetra ngamba mba tsy ho mitsanga-menatra izany, jereo fotsiny izao ny sinoa na ny tavaratra aty frantsa afaka mifampiresaka @ teniny mazava tsara ry zareo fa isika malagasy raha mba tafahaona kely dia efa lasa ilay misapilaka tsss mahamenatra tokoa fa angaha moa isika tsy manana ny tenintsika ahafahantsika mijoro tokoa??? sa dia manao ny atao hoe mitsipa-doha ny rano nitana??? mampalahelo kannn

mmhhh....... "luxe".... inona moa no tianao hambara eto??? araka ny haiko dia miezaka ihany ny ao @ akademia malagasy ny mba mamoaka voambolana @ teny malagasy fa dia odiantsika tsy hay izany na dia fanahiniana tsy henoina akory fa ny an'ny vahiny ihany no indraindraina!!!! koa ambava homana am-po mieritra fa tsy hisy mpiteny eo intsony ny tenintsika izay isika vao ho very....
Inona intsony ny haha firenena an'i Madagasikara na ny "teny" aza tsy hananany intsony?????

lapino:
Ka hono hoà, atao inona àry ny teny gasy? Tsy haitraitra ve sisa no ilana azy? Tsy mety hanamora ny fandrosoana ara-teknolojia sy ara-ekonomika kokoa ve raha teny hafa no ampiasaina andavanandro, fa manamaisatra kokoa ny teny gasy? Tsy hanana ny valeur-ny kokoa ve ny teny gasy raha any amin\'ny \"luxe\" no misy azy?

tsy azoko loatra ny tianao lazaina ry lapino @ io hoe raha any @ luxe no misy azy . Marina aloha fa misy teny vahiny tena hilaina nefa tsy hita mihintsy hoe inona no handikana azy @ teny gasy. Ohatra fotsiny zao an! Ny terme informatika ! zavatra tena sarotra de sarotra ny handikana azy @ teny gasy.
(mampatsiaro ahy t@ le hatsikana nataon'i Francis Turbo hoe mba hadikao teny gasy ny hoe "la clé dans la serrure)

Ny tiako tenenina amin'ilay hoe "luxe" dia hoe: ahoana raha vonoina ny teny gasy, ka teny hafa no tenenina andavanandro? Izay teny mahamora kokoa ny accès amin'ny karazana fahaiza-manao vokatry ny fikarohana vitan'ny olona maro ara-pitantanana, ara-teknika, sns ... Izay teny mahamora kokoa ny serasera amin'ny endriny rehetra, sns ...

Tsy impossible izany akory, fa ampolon-taona vitsivitsy dia ampy, toy ireo tany nozanahan'ny eoropeana sasany izay lasa miteny frantsay na anglisy daholo, na ireo "etat" an'ny USA izay nambolena teny anglisy. Possible izany raha hatao. Amin'izay ny teny malagasy dia izay olona tena mahita ny valeur-ny sisa no mampiasa azy. Tsy valalan'amboa intsony izy amin'izay, saingy ho lasa ohatra an'ireny fiara taloha lasa "voiture de luxe" ireny kosa.

sipagasy:
Inona intsony ny haha firenena an'i Madagasikara na ny "teny" aza tsy hananany intsony?????

Ny teny ve no maha-firenena ny firenena? Dia ahoana izany ny USA, Canada, Autriche, Suisse, Luxembourg, sns ... ?

asivo famitinana kely hoe ?
somary lava le resaka mantsy :°)

:-*:-*

simplex, efa voafintina ao anatin'ny lohateny le izy ko :)

lapino annn tsy ny teny ihany no maha firenena ny firenena iray fa anisany kosa e! jereo hoy ahoa taminao teo ambony ny sinoa sy ny tavaratra ireny rehefa miala ny taniny, na koa ao @ taniny, mahavita mampiasa ny teniny izy ireny @ fomba rehatra na @ resaka teknika izany na @ lafiny fifandraisana an-davan'andro, ka nahoana isika ny ho menatra @ tenintsika??? tsy azoko ihany ilay izy aloha e! sa diso aho???

Tsy tokony any @ olana (:?:)nahatonga ireo raha ireo ve no dinihana mba ahafahana mitady vahaolana hafa mety hahomby sy mahatsara raha ihany koa, ankoatra ny tonga dia hanafoanana tamingana ny teny malagasy :?:.
Ny hita kosa aloha, dia izao vao manomboka mivelatra tsikelikely ny fikarohana @ teny malagasy : famoahana rakibolana nataona malagasy, fitomboan'ny isan'ny mpikaroka, fivoahan'ny boky ...na ekena fa mbola vitsy kely aza ireo dia soa zay mitaha ny t@ 50 taona lasa ohatra. Misy fahavonona taratra ambadik'izay. Way, saika hadinoko ny " serasera " @ teny malagasy rano iray :-P...efa endrika iraika @ tsy fanariana ny teny malagasy zay.

Ouz ilay mpanoratra ( euh...Rémi de Gourmont angamba :oops:) zay hoe " quand un peuple n'ose plus défendre sa langue, il est mûr pour l'esclavage ".

.........Ouz ilay mpanoratra ( euh...Rémi de Gourmont angamba ) zay hoe " quand un peuple n'ose plus défendre sa langue, il est mûr pour l'esclavage ".........


aza hitako ka ny iverenan'izany tokoa no tian'i lapino hatao?????

Ekena ny tsy fahampian'ny voambolana amin'ny teny gasy, indrindra manoloana ny fivoaran'ny siansa rehetra amin'izao fotoana izao. Tsy antony kosa nefa io hanafoanana azy. Tsy ny teny Malagasy ihany no tsy ampy voambolana. Amin'ny ankapobeny dia izay zavatra tsy nisy teo amin'ny firenena iray dia teny vahiny no hanombohany azy. Na ny teny Anglisy be mpampiasa aza ohatra dia mampiasa ny hoe "Coup d'Etat" na "coup".

Ny zavatra misy koa, dia ny voambolana efa misy aza tsy voafehin'ny gasy, ka izay teny tsy fantany dia lazaina fa tsy nisy. Io lafiny io no hitako hoe isan'ny tokony handaniana ny 10 taona resahin'i lapino :-D

Tsy mitandrina ny tsipelin-teny ve ny Malagasy, sa tsy mahay mihitsy? Raha tsy diso aho dia mananika ny 48%-n'ny gasy no tsy mahay manoratra akory; ka hahagaga ve raha mihoatra ny 75% ny mandiso tsipelina?

Tsy ny teny ihany no maha-firenena ny firenana, marina izany. Fa:
# Ny firenena dia reny. Ahoana no mety ho fahasahiranan'ny zanaka raha moana ny reniny? Mety ho zatra izy aloha ny farany e, fa sahirana sy malahelo.
# Tsy ny teny ihany no ho foana fa ny Malagasy mihitsy. Izay mikasika ny malagasy. Ka mipetraka ny safidy: hanary ny maha-izy azy ny tena, sa hanenjika ny fandrosoana tsy fantatra na ho azo akory avy eo? Ny miteny tsy gasy mantsy no mety ho hay avy eo fa tsy ny mampandroso ny tena sy ny firenena akory.

Ilaina ve ny teny gasy?

Eo koa dia mitady hampiteny teny tsy fantatro eo, tssss :roll::-D:-D:-D

taitra be aho nahita ilay loha-hevitra "ilaina ve ny teny gasy?"
An'isan'ny maha malagasy ny malagasy ny teny gasy ka amiko ilaina io, izaho aloha tena faly ery rehefa misy manontany ao anaty fiarakodia hoe inona izany teny teneninareo izany?"
Manao fikaroana momba ny malagasy koa aho ary mahatsapa fa mbola lavitra ny ezaka tokony ataontsika hampahafatarana ny tenintsika

Ilaina ve ny teny gasy?

Ity vao tena valiny fa ilay teo mody valiny fotsiny :oops::oops::oops::-D

Ilaina ny teny gasy satria:

# io no mitahiry ny Fihavanana.
# io no mitahiry sy mamoaka ny hetsi-po sy ny hevitra ananan'ny gasy fa tsy ny gasy-vazaha.
# io no mitahiry ny kolontsaina sy ny tantaran'i Madagasikara.

Inona no mety tsy ho ilaina?
Ny gasy tsy tia teny gasy.

Raha gasy no anontaniana dia ilaina ny valiny.
Raha tsy gasy moa dia tsotra fotsiny: arakaraka ihany io.;-)

:-*:-*

http://serasera.org/forum/?rub=dinika/message&msgid=m45055dfcbc67e resaka vao androany io ohatra

xxx:
Tsara tokoa kanefa toa tsy natao ho an'izay te hampiasa malaky. Izaho manokana mbola hanana olana @ fanaovana traduction indray

Asa izay hevitrareo

Misy fahamarinany ilay tenin'i xxx eto. Mbola hatao "traduction" ilay teny malagasy, fa amin'ny teny hafa no hahazoana azy kokoa. Ary na amin'ny resaka maro hafa aza dia mety hitrangan'io resaka io. Dia mipetraka ny fanontaniana: ilaina ve ny teny malagasy?!

Raha ny hevitsika rehetra eto izao, dia toa hitandrovana ny "identité" maha malagasy no tena ilana ny teny malagasy. Amin'ny resaka kolotsaina ihany izany. Misy afaka hanazava anefa ve hoe, mahavita inona ny kolotsaina sy ny zava-kanto?!

Fa miresaha zavatra ankoatra an'izay ange, seha-pamokarana iray, tsy mahalaza n'inon'inona intsony ny teny malagasy. Indrindra moa fa hiresaka famokarana somary "grande échelle" ...

Misy tena misy ny miezaka manabe voho ny teny. Saingy tsy ampy ireo fa vitsy an'isa loatra. 203 ihany ohatra no isan'ny teny malagasy ao amin'ny wikipedia (nisy dia niasa mafy tokoa nanao an'ireo) raha 359.000 ny teny frantsay ary 1.378.000 ny teny anglisy. Ary izay zava-bita amin'ny teny gasy moa dia manahirana indray aza ny mamaky azy. Ary ihomehezan'ny olona aza an!!!

Dia izay no ataoko hoe, maninona moa raha ampirimina ny teny gasy fa hoentina rehefa mianjaika ihany? Toa miasa maina fotsiny daholo tsinona ireo izay miezaka hanabe voho ny teny malagasy ka!!!

Pissoa, tsy mitahiry fihavanana izany ny teny malagasy!

ilay mpanoratra tsy haihaiko teo:
" quand un peuple n'ose plus défendre sa langue, il est mûr pour l'esclavage "

Marina ve io? Sa satria mpanoratra malaza izy dia marina izay rehetra lazainy? http://jentilisa.blaogy.com/post/122/1721 hoe ohatra ny famariparitan'i Jentilisa an'ireo sinoa miteny malagasy (vondrona faharoa, andiany voalohany sy faharoa)

lapino:
Pissoa, tsy mitahiry fihavanana izany ny teny malagasy!

Miteny an'io elah satria niteny oe

lapino:
Raha ny hevitsika rehetra eto izao, dia toa hitandrovana ny "identité" maha malagasy no tena ilana ny teny malagasy. Amin'ny resaka kolotsaina ihany izany. Misy afaka hanazava anefa ve hoe, mahavita inona ny kolotsaina sy ny zava-kanto?!

:-D:-D:-D kanefa io no valin'ilay izy :wink::-D:-D:-D

Hazavao kokoa hoe ...

:-D:-D:-D

Mananihany izaho ... Fa hoy ialahy hoe toa hitandrovana ny "identite" maha malagasy no tena ilana ny teny malagasy, dia hoy aho hoe mitahiry ny fihavanana ihany koa ka. :-D

Mitahiry ny fihavanana ve ny teny Malagasy? Eny. Ohatra:
# ny fomba fiantsoana malagasy: ny vazaha miteny ohatra hoe cousins fa amin'ny gasy dia tsy misy hafa tsy rahalahy sy rahavavy ary anadahy sy anabavy.
# ny ohabolana be dia be miresaka ny fihavanana malagasy.

Mitondra aiza ny kolotsaina malagasy:
# sambatra: mahakely AIDS :-D:-D:-D http://serasera.org/forum/?rub=dinika/message&msgid=m44b43b53b781a
# famadihana: fihavanana ;):-D:-D:-D
# fizahan-tany: tsy ny biby sy ny tendrombohitra ihany no mahasarika fa ny kolotsaina sy ny tantara ihany koa ...
# Fitafy: mifanaja.

Amin'ny ankabobeny ny kolotsaina Malagasy dia manana lanja morale, ary azo tandrahana ny hampanan-danja azy ara-materialy. Ka ny tokony atao amin'ilay 10 taona dia mitrandraka an'ireo fa tsy hoe manary tanteraka izany.

Tsy tokony hambaniana mihitsy ny teny malagasy fa io sy ny tany ary ny olona (sy ny kolo) no harem-pirenena mivaingana hita ao Madagasikara. Raha ny tany efa azo hamidy amin'ny vahiny, ny olona te hiondrana na te ho vazaha, ary ny teny atao valalan'amboa dia tsy hita intsony ny maha firenena azy.
Indray andro izay nisy vazaha niteny hoe "tout ce qui est malgache est de La Réunion, comme les brèdes mafanes". Loza izany !
Amiko manokana dia anisan'ny teny manankarena indrindra eto ambonin'ny tany ny teny malagasy fa ireo taranaka taty aoriana no tsy nahay nikolokolo azy, angamba nohon'ny vesatry ny fanjanahan-tany sy ny fahantrana mihoampampana ankehitriny. Raiso fotsiny ohatra ny momba ny fahalalana taty aoriana toy ny onja (onde) sy ny fonja (masse). Ireo teny gasy roa ireo dia tranainy dia tranainy tokoa. Ny fototeny malagasy dia toy ny voajanahary ary izay tsy takatry ny saintsika ankehitriny dia teny efa maty tsy voatahiry intsony. Ny fototeny "aka" ohatra dia mbola ampiasaintsika matetika ankehitriny. Andeha hotovonana ny renintsoratra rehetra ao amin'ny abidia izy : baka, daka, faka, gaka, haka, jaka, kaka, laka, maka, naka, paka, raka, saka, taka, vaka, zaka. Nisy namana akademisiana nahay nanazava tsara ny dikan'ny renintsoratra "k" ao amin'ny fototeny. Ny dikan'ny "l" no tadidiko tamin'ny fanazavany. Midika zavatra mitsangana izy io. Ohatra ny elo, ala, alo (aloalo hita eny amin'ny fasana any atsimo), olo. Ny "v" indray hoy izy dia milaza zavatra manarona. Ohatra ny velo, vala, volo sns.
Betsaka koa ny olona no manakivikivy foana ireo olona te hanao ezaka mandalina sy mampiasa ny teny malagasy ka alaim-panahy hilaza fa tsy ampy ny teny. Tadidio anefa fa ny "eau de javel" tokony tsy hisy azo andikana azy afa tsy ny "ranon'i Javel" satria andriamatoa Javel no namorona azy. Marina loatra ny voalazan'i Pissoa momba ny "coup d'Etat" ampiasain'ny Angilisy.

Ilaina ve ny teny gasy?

ilaina mihitsy ka zany no maha malagasy antsika...