SOMARY LAVALAVA IZY ITY RY ZAREO KANEFA MBA VAKIO IHANY. MOA VE MISY MALAGASY IZAY TSY NALAHELO ARY TSY LATSA-DRANOMASO MIHINTSY TAMIN'NY NAHAMAY NY ROVAN'I MANJAKAMIADANA? RAHA SANATRIA MISY IZANY DIA AOKA IZY HANDININTENA HAINGANA. IZAO INDRAY ITY HOE HAMIDY NY FANANAN'NY FIRENENA. TENA MAMPALAHELO BE FA ASAKASAKAREO IZAY TSY MBA MANANA FO MANGORAKA ALOHA.
Alain R.
05-09-2006
Nanaitra ny rehetra ny fikasan’ny kandida ho amin’ny fifidianana ny ho filoham-pirenena, Herizo Razafimahaleo, dia ny hivarotany ny fiaramanidina « Force one », raha lany ny tenany. Raha ny tena marina aza dia nankasitraka azy ny ankamaroan’ny nandre ny teniny hoe hozaraina amin’ny distrika isanisany ny vola vidiny mba hahafahan’ireto farany hihetsika, araka izay filany avy.
Tsaroana tokoa fa efa nataon’ny fitondrana tany aloha ny nizara vola ho an’ny vondrombahoaka itsinjaram-pahefana, toa ilay 302 tapitrisa isaka ny fivondronana, ohatra. Nahita fahombiazana ihany izay nahay nitantana tamin’ireny fotoana ireny ka nahavita ireo fotodrafitr’asa nilainy, toy ny lalana ny tohodrano, sy ny sisa, koa tsy hahavita mihoatra noho izany ve izay ho eo amin’ny toerana, raha tanteraka tokoa io fikasana io ?...
Tsy ho fanamaivanana an’iny hevitr’ingahy Herizo Razafimahaleo iny anefa fa mbola mahita fanampiny indray ny mpanaraka ny raharaham-pirenena sasany, dia ny hivarotana ny fananam-panjakana hafa, ankoatra an’io « Force one » io, izay tsy dia nahitam-bokany loatra, ary nahafaty antoka mihitsy aza indraindray. Ny iray amin’ireo zavatra tsy ilaina ka tokony hamidy ireo ihany àry aloha no horesahina, dia io lapan’i Iavoloha io. Tsy fantatra intsony moa izay tena hiantsoana azy io fa arakaraka ny mampiasa azy io no toa maha Mavoloha na Iavoloha azy, fa raha ny tsapa kosa dia ny hoe tsy nisy raha nanjary izay natao tao hatramin’izay.
Mbola tsy afaka ao an-tsain’ny maro ny vokatry ny diabe natao ny faha-10 aogôsitra 1991. Avy tao Mavoloha tao no niaingan’ny baiko ka nahatonga an’ireny ratra sy famoizana ain’olona ireny. Fahatsiarovana ratsy ho an’ny firenena iny.
Tsy nisy tanteraka hatramin’ny farany ihany koa izay tetika na fikasana novolavolaina sy nodinihina teny amin’io toerana io. Tsy nisy izay tsy nentina teny ireo teti-pampivoarana noheverina fa hanavotana an’ity firenena ity, ka namoriana, na ny malagasy manam-pahaizana na ny vahiny kalaza nohafarana, kanefa dia fohy fahavelomana avokoa, na ny Dsrp, na ny Psdr, ohatra… ary dia azo antoka fa ho « maty an-karanany » koa io Map io raha sanatria ka handramana hiantsona olona eny koa. Eny Iavoloha no ampirantiana ireo lazaina fa « vitrine », izay aderadera an’izay sendra mandalo eto an-drenivohitra, na vahiny koa io na teratany, kanefa malagasy iza sy aiza moa no mba re, hatramin’izao, fa « naka lesona » ka nahavita nanangana toy ny hitany teny ?... Nitsiriritra ihany dia samy nody nangaina ê.
Efa noresahina teto koa aza ny momba ireo fotodrafitr’asa ara-panatanjahan-tena natsangana teny, ary nametrahana ny fanontaniana hoe mpanao fanatanjahan-tena iza moa no hanana ny saran-dalana hanatonana eny isaka izay hanazatra tena na hanao fihaonana ?... Haingo diso an’Iarivo ihany koa io.
Teny Iavoloha no namoriana an’ireo antoko pôlitika, mba hoe hifampiresaka, araka ny hafatra napetraky ny sekretera jeneralin’ny Firenena mikambana, kanefa inona no teo fa dia iny izy hitan’ny rehetra fa nandamoka iny. Araka izay rehetra izay àry dia mazava fa tsy dia misy ilana azy loatra io lapan’i Iavoloha io, raha ho an’ny besinimaro. Izany no antony nipoiran’ny hevitra hoe maninona raha amidy any koa izy io ê ?... Raha hozaraina, araka ny eritreritry ny kandida Herizo Razafimahaleo tokoa mantsy ny vola ho azo amin’izany dia azo inoana fa hahitan’ny faritra tsirairay ny tokony hampiasana azy. Lavitra ny fambolem-bary sy ny fiompiana trondro ao amin’ny « vitrine », ohatra, ny filan’ny any amin’ny faritr’Androy any, satria na ny rano hosotroin-dry zareo aza manahirana azy koa ahoana no hahitany an’izany ho an’ny trondro sy ny vary ? Aiza ho aiza amin’iny faritra ngazana amin’iny atsimon’ny nosy iny koa no hahafahana mamboly bozaka hohanin’ny ombivavy be ronono, na dia mpiompy aza ry zareo any ê ?...
Iavoloha ihany no noresahina, fa mbola misy koa ny zavatra hafa tsy ilaina ka tokony hamidy. Ny faritra isanisany rahateo, satria efa natsangana ihany, dia mila vola hahafahany miainga… koa dia anjaran’izay ho tonga eo amin’ny toerana no mandinika ê.

Aleo hiany aloha mitandrina fa ny zavatra havoakan'ny gazety indraindray toa mampiheritreritra hiany .
Zah kosa aloha de mino fa tsy hisy zany hoe fivarotana zany eh! Raha sanatria ka hisy zany de asa fotsiny angamba fa ny Malagasy rehetra hihetsika @ io .
Mino koh zah fa tsy misy Malagasy hanaiky an'zany raha mbola hatao hoe Malagasy tia ny fireneny!

Vao nahita io aho dia saika tsy tanako intsony ny ranomasoko hoe nahoana. Izay ve no mba vahaolana farany hanarenana ity firenena ity. RY MALAGASY O, NY HAFA AZA VE MANAMPY ANTSIKA DIA ISIKA INDRAY NO HIVARO-PANANANA? HO AIZA NO HIAFARAN'ITY MADAGASIKARA ITY?

Ny tsy azonareo dia ireo voalaza fa hamidy ireo dia fananana ampiasain'ny mpitondra fa ny tsy hitanareo dia ny FANEKEN'NY FITONDRAM-PANJAKANA ANKEHITRINY NY FIVAROTANA NY TANY HO AN'NY VAHINY. Io no tena nampalahelo ahy indrindra satria na iza mpitondra nifandimby teto hatramin'izay dia tsy nisy namela ny vahiny hividy tany teto Madagasikara afa-tsy ny Fitondrana ankehitriny dia ny fitondran-DRavalomanana.
Aoka anefa ho tsapantsika fa ny tany no tena harena goavana indrindra ho an'ny vahoaka na mpitondra izy na vahoaka tsy mandady harona.
Ny mahagaga dia rehefa ny vahiny na mpitondra no mikarakara taratasy mikasika ny tany dia vetivety dia vita ao @ Domaine ary tsy mila pitsopitson-javatra. Tahaka ahy izao manana tany ary hamindra azy hisoratra amin'ny anarako fa mandrak'ity ny androany tsy vita nefa efa t@ volana janoary 2006 no nikarakara ny taratasy.

Anjarantsika no mandinika e!

Marina tanteraka ny an'i Naritsimba, rehefa tsy de misy fiantraikany mivantana @ vahoaka aloha de aleo hidaboka any, ny vahiny no mahazo vahana eto @ sehatra rehetra, izany ve no tena fitiavan-tanindrazana? mampalahelo le izy, efa nolazaiko teto ihany hoe eo @ lafiny findramambola fotsiny de efa hita mivandravandra hoe ny vahiny ihany no mahazo. Ka aleo hamidiny any izay tsy de misy fiantraikany @ vahoaka, fa mba miangavy antsika malagasy kosa mba tena hanaramaso akaiky ny momban'ny tanindrazantsika fa misy ireo olona tambazana zavatra tsy de misy ilana azy akory atakalo ny tanindrazana

tivinah:

Vao nahita io aho dia saika tsy tanako intsony ny ranomasoko hoe nahoana. Izay ve no mba vahaolana farany hanarenana ity firenena ity. RY MALAGASY O, NY HAFA AZA VE MANAMPY ANTSIKA DIA ISIKA INDRAY NO HIVARO-PANANANA? HO AIZA NO HIAFARAN'ITY MADAGASIKARA I

vao nahita inona no napitomany anao?? raha le fiara manidina no mapitomany anao de aleo ianao mamadika ny tantara tany aloha tany am zay azonao hoe tam fotoana manao aona sy am volam panjakana tonga lafatra ve no novidianana azy io?
Sa le hoe fananam panjakana mihintsy no tsy azo nao?

lolabe> misaotra @ fanohanan'ise ilay foto-kavitra eh!
Ny mahamaika ny sasany dia ny rendrarendra ivelany, fa tadidio fa tsy misy harena lehibe noho ny tany.
Aoka ho tsaroantsika namana fa ny zanak'Israely ange ka tany no nomen'Andrimanitra azy eh, Tany tondra-dronono sy tantely.
Ny antsika omena an'izao sy izao ny mpitondra dia amidy ilay tanindrazana, amiko tsy tena mpivavaka marina ny mpitondra @ izao fa fanafenan-javatra matoa nanaiky hivarotra tanindrazana.

Ô ry zareo a, fa tsy aleo ve miverina any @ sosialisma sy nationalisation raha tsy hamidy ny tany e. Ny tiako holazaina dia niditra @ capitalisme isika, io efa resaka vola no miasa, tsy maintsy miditra @ fanomezana alàlàna ny mpampiasa vola hividy ny tany eto, izany hoe ny fanaraha-maso sy ny aro-fanina no tokony atao matotra tsara.

vakiniadiana> na sosialisma io na kapitalisma ho ahy manokana dia tsy amidiko ho an'ny vahiny ny tanindrazako. Ny azy angaha omeny ahy, na mahantra aza ny olona eto @ tanindrazako dia anjarako ny manampy azy fa tsy amidy tsy hatakalo vola ny taniko.
Maninona raha ny azy mpitondra no amidy ny tanindrazany fa tsy ny an'ny hafa no omena anjakan'ny vahiny?

Ka io safidin'ny tsirairay e, tsy misy terena hivarotra ny taniny anie e

tivinah: Tsy aiko hoe taiza no nahitanao an'ireo zavatra nolazainao ireo satria jereo kely ange ity an!

Tetibola ho fanarenana ny Rova: 30% no voaangona hatreto

Hatramin’ny 1 septambra teo, araka ny tarehimarika mivoaka ao amin’ny tranonkalan’ny TIM France, dia mitentina Ar 5.039.844.382,67 ariary ny totalin’ny fanangonam-bola vita ho an’ny fanarenana ny Rovan’i Manjakamaiadana. Ar 150.112.681,10 no voamarika fa avy amin’ny olon-tsotra. Lavitr’ezaka ny fivoaran’ny tarehimarika sy ny famatsiam-bola ilaina. Miainga amin’ny navoakan’ny Filohan’ny Repoblika, dia manodidina ny 7 tapitrisa dôlara amerikanina izany, na eo amin’ny Ar 15 miliara, raha tsy misy fiovana be loatra ny dôlara eo amin’ny tsenambolan’ny fifanakalozana. Komity manokana no najoro hitantana ny fanamboarana ny Rova, dia ny « Conseil National de patrimoine ».
Eo amin’ny tetiandron’ny fanamboarana, dia ny marsa 2008 no heverina fa ho vita tanteraka ny fanarenana, ao aorian’ny fijoroan’ny rihana faha-2, izay tena goavana amin’ny asa. Raha ny fahitana ny tarehimarika, dia mihisatra ihany ny vola voahangona, satria tany amin’ny 15% avy hatrany no azo, nitentina tany amin’ny Ar 2 miliara, raha vao nanomboka ny fanentanana. Amin’izao fotoana, miha-sahirana ny orinasa ka tsy afaka manokana vola firy intsony, ho an’ny tetik’asa lavitr’ezaka. Ny olon-tsotra rahateo, misy ny fetra azony omena.

Tetibola ho fanarenana ny Rova: 30% no voaangona hatreto
R.A La Gazette de la Grande Ile ce 11/09/06