naritsimba:
Faly miarahaba antsika namana rehetra!
Ity mba misy soso-kevitra arosoko momba ny fanomanana fety sy fihaonana ary fitsangatsanganana.
Mba ahafahan\'ny rehetra miomana tahaka io fandehanana any Toamasina io dia tsara raha dieny izao dia avoaka ny fandaharam-potoana mandritra ny taona 2007, @ izay dia efa miomana ny rehetra na ny fotoana na ny fandaniana rehetra ilaina.
Afaka ihany koa ireo izay avy lavitra manomana ny fandaharam-potoana satria matetika dia efa misy ny fifandaminana any @ toeram-piasana rehefa mangataka fialan-tsasatra (congé).
Izay fa dia manantena fa dia ho karakarain\'ny Biraon\'ny Serasera Dago io \"Calendrier\" 2007 io.
Dia mirary soa ho antsika rehetra.
NARITSIMBA
Tena tsara ilay sosn-kevitr' i Naritsimba saingy izao: ataoko angamba fa ianao anisan'ny nandray anjara hatrany hatrany tamin'ny fikarakarana ny hetsika nataon'ny sera2 dago ka nahita hoe na firy na firy volana mialoha no atao ny fanomanana sy ny fampahafantarana atao eto amin'ny dinika dia toa mitovy hatrany ny vokany , izany hoe izay te handeha ihany no mandeha sy miezaka ny handamina ny fotoanany mba hahafahany fa ny tsy te handeha de mandoto rano amin'ny fampanantenana poak'aty eto hatrany!. Ary ny zava-misy aza indray2 dia arakaraky ny ipetrahan'ny fanentanana ela eto amin'ny dinika no mampisy ireo mpananihany marobe ka mandiso ny vinavina atao eo amin'ny fikarakarana (sakafo , fitanterana , sns)
Tsy ifanomezan-tsiny anefa izany satria safidy io,
1- misy ny misafidy hijanona ao anatin'ny tontolo virtoaly ,
2- misy ny misafidy tsy hihaona afa tsy amin'ireo namana nosafidiany hifandraisana ihany ,
3- ary misy ny manam-paniriana te hihaona mivantana amin'ny mpisera2 tsy ankanavaka ato anatin'ny tranokala.
Ny tiako ho antitranterina fotsiny dia izao: raha manana ilay safidy 1 sy 2 ianao, dia aoka mba tsy hisy ny fananihaniana be loatra amin'ireny fampandrenesana atao mialoha eto ireny (izany hoe milaza ny handeha nefa efa fantatra tsotra izao fa tsy handeha). Ekena fa malalaka ny fandraisana anjara fitenenana , nefa kosa ataoko fa raha resaka matotra no atao dia mba tokony hasiana fetrany ihany angamba hoy aho ny rsaka vazivazy.
Antony iray io nahatonga ny namana dago nametraka ilay fepetra hoe , tonga dia mandoa vola mialoha izay handeha satria raha ny hevitra omen'ny namana eto amin'ny forum tsy azo ianteherana.
Ny zavatra hita aza matetika dia ilay somary tampoka no mahavory olona maro kokoa noho ilay omanina mialoha be. hihi , tena zavatra efa nisy io , oh iray omeko : ilay fifampiarahabana tatry ny taona nataon'i Ftma niaraka tamin'ny namana dago tamin'ny 07/001/06, tampoka fa nahavory olona marobe ary nahitana endrka vaovao aza.
Efa lava be ny resako fa hamaranako azy dia izao: ilay resaka "calendrier annuel" raisina ny soson-kevitra ary ezahina ny hanaovana izany raha vita , saingy eo amin'ny fahafahana manatanteraka izay voalaza ao anatiny dia miankina amin'ny fahamatoran'ny mpandray anjara sy ny mpiserasera.
