Andro manokana eo amin'ny firenena malagasy sy izay rehetra milaza azy ho tia tanindrazana ity andro ity. Tokony tsy hisy hanadino ny zava-nitranga tamin'izany fotoana izany isika rehetra indrindra fa ny taranaka amin'izao fotoana izao.
Andro nanombohan'ny famoizana ain'olona maro nitolona ho amin'ny fahafahana nefa nisian'ny fisaraham-bazana teo amin'ny fiaraha-monina malagasy ihany koa. Tafasaraka teo amin'ny tolona ny tandrenivohitra sy ny tambanivohitra. Nifanilika andraikitra ny tompon'andraikitra tamin'izany fotoana izany na padesm na mdrm na ny fanjakana frantsay ihany koa. Ny olona niharan'ny fijaliana indrindra no nitroatra tamin'izany fotoana izany. Atody niady tamim-bato izy ireo ka tsy nahovoka teo anatrehan'ny fiadian'ny mpanjanatany.
Asio fieritreretana ho an'ny tsirairay ary izao andro anio izao.

Lohateny : TANTARA SISA !
Feno 59 taona katroka rahampitso ny raharaha 29 Martsa 1947, fotoana nitondran’ny Malagasy ny mangidy nandritra ny fanjanahan-tany nataon’ny Frantsay azy. Tsy voatanisa ny isan’ny olona maty nandritra ny tolona niarovana ny tanindrazana ary ankoatr’ireo mafana fo fantatra tamin’ny herim-pony toa an-dry Ralaimongo, Raseta sy Ravoahangy ary Rabemananjara, ny lietna Randriamaromanana sns... dia maro koa ireo nitolona mafy tsy fantatra anarana namoy ny ainy tao anatin’ny ady tamin’ireo vazaha. Tsy tohitra moa ireo mpanjanantany noho ny fisian’ny Malagasy sasany voatambitambin’ny vazaha ka sahy namadika ny mpiray tanindrazana aminy. Tantara tsy azo adinoina ireny, indrindra ho an’ny taranaka any aoriana.
« Ny tantara dia mbola mitohy » hoy ny tononkiran’i Nanahary. Marina izany, mbola tohin’ny fanjanahana ny fahatsiarovan’ny Malagasy isan-taona saingy tsikaritra ankehitriny fa mitombo isa ireo nitonona ho nitolona tamin’izany, raha heverina hihena izany noho ny fandrosoan’ny taona. Mbola maro anefa no mijoro marina amin’izao fotoana izao raha tsy hiresaka afa-tsy ireo Bekotro maroholatra, miaramila sisa tsy maty tamin’izany. Tsy mankaleo ny mihaino ny tantarany izay inoana fa nifanaraka tokoa tamin’ny tantara ankapobeny re sy hita amin’ny boky. Tsikaritra kosa fa ny fankalazana no miha maivan-danja, toa zary lasa fahazarana sisa ka zara raha re ny lazany raha tsy andro vitsy alohan’ny fahatsiarovana, misy aza ny tsy te hahalala satria mbola tsy teraka angaha tamin’izany ? Dia ho tantara tokoa va re no sisa e ?
Hery A Madagascar Tribune

ny mahagaga dia miady antrano samy te ho vedety ny 29 mars 1947 ireo antoko samihafa na ireo akanga sisa nanamborana t@ zany, ka maizina @ mpihaino tv sy radio ny tena marina mikasika io toedraharaha io
milaza aza ny sasany fa ny VVS notena mpamadika sns:?::evil:de tsiai tsony ze tena mariné

Anisan'ny korontana mbola entin'ny Padesm sy ny taranany izany! Alea jacta est Holocaust Now!:roll:

Faha 59 taonan’ny 29 maritsa
Fanontaniana ho an’ny fikambanana OTRIKAFO

Inona no mety ho akon’ny 29 maritsa eo amin’ny taranaka ankehitriny,araka ny fahitanao azy ?

Raha ny lafiny fitaizana amam-panabeazana mahazo vahana ankehitriny no ifotorana ka enti-mamaly izany fanontaniana mafonja izany ,dia am-panetren-tena no ilazako fa,amin’ny ankapobeny indrisy,tsy ny taranaka malagasy rehetra ankehitriny no mahalala izay zava-niseho tamin’izany 29 maritsa 1947 izany.Ny antony, tsy dia misy firesahana amam-panazavana firy momba ny tantaram-pirenena malagasy eo amin’ny andavanandrom-piainan’ny taranaka ankehitriny. Ny ray aman-dreny difotry ny adim-piainana andavanandro amin’ny fameloma- na ny ankohonana,tsy manam-potoana iresahana izany amin’ny zanaka. Ny sekoly nanankinana ny fampianarana amam-panabeazana ny menaky ny aina tsy manana boky miresaka ny tantaran’i Madagasikara ,na dia “manuel d’histoire de Madagascar” aza anie ka tsy ananantsika e. Inona àry no azonao andrasana amin’ny fanabeazana tahaka izany? Mbola ny foto-pisainan’ny fitondran-janatany no mahazo vahana eto hatramin’izao,raha ny amin’ireny resaka tolom-panafaham-pirenena ireny no tian-kantitranterina.Araka izany,.matahotra aho fa mety ho ampahany vitsy ihany amin’ny taranaka no mahalala izany hoe:29 maritsa izany.Misy aza moa efa olon-dehibe izao sahy milaza hoe:”mbola tsy teraka aho tamin’izany,ka tsy asiako fitenenana ny amin’izany,fa ny ho avy no jereko”Izany no toe-tsaina mahazo vahana eo amin’ny taranaka sasany

Ahoana no tokony ho fijerena ny raharahan’ny 29 maritsa 47 amin’izao ankatoky ny faha-60 taonany izao?

Tsy maningana amin’ny tolom-panafaham-pirenena nataon’ny razana sy ny ray aman-dreny ary ireo zokibe tsy nanaiky lembenana ny fanosihosena ny zo aman-kasin’ny Malagasy tamin’ny fanjakazakana an-tanin’olona nataon’ny fitondran-janatany firantsay ny raharahan’ny 29 maritsa 47 fa fanohizana ny fitakiam-pamerenana indray ilay fiandrianam-pirenena nopotehin’ny mpanani-bohitra mpanjanaka firantsay ,noho ny hery tsy mitovy (06 aogôsitra 1896).Endrika amam-pomba tamin’izany fotoana nisehoan’ny fampahantrana amam-pitsentsefana ny Malagasy eo amin’ny lafiny rehetra no nampipoaka ny “tako-bilanin’ny” 29 maritsa fahizany. Isan’ny vanim-potoana mampangorakoraka eo amin’ny tantaram-pirenena ny raharahan’ny 29 maritsa ,ka tsy fibitahana,tsy fandihizana tahaka izay nataon-dRatsiraka sy ry i Rossy tamin-dry zareo nanao ny antsoiny hoe: Fanilo miampita no ijerena ny 29 maritsa ,eo amin’ny tia tanindrazana mandala ny fiandrianam-pirenena ary tsy miankin-doha amin’ny any ivelany.Fotoam-pisaintsaina,fandalinana,fieritreretana lalina ny tantaram-pirenena no tsy maintsy atao isaka ny mitsingerina ny 29 maritsa..Fotoam-pisaintsainana ny amin’ny trosa sy ny fahantrana no isan’ny tokony hijerena azy ity koa ankehitriny .Ambara moa fa voafafa ny trosa, dia inona no mba fiantraikan’izany eo amin’ny fiainan’ny sarambabem-bahoaka Malagasy.?Aiza izay dingana vita mikasika ny fanatsarana ny fari-piainany,toy ny lafiny fitsaboana,ohatra ?Mba nahazoany nifanandrina tamin’ny fidangan’ny vidim-piainana ve ilay trosa voafafa ? Afaka mba nanangana trano bongo avy amin’ilay famafana trosa ve izy sa dia ,sanatria, voaozona ho mpanofa trano hatramin’ny taranany fahafiry ?Ets,ets.

Inona no mety ho tombon-tsoa amin’ny fahalalana ny raharahan’ny 47 ?

Mitondra amin’ny fahafantarana ny ampahany amin’ny tantaram-pirenena ny fahalalana ny raharahan’ny 47 . Rehefa mahafantatra ny tantaram-pireneny,na dia ampahany ihany aza,ny olom-pirenena mendrika ,indrindra ny taranaka,zary mampisy dikany bebe kokoa ary marim-pototra ny fisiany ary ny zava-drehetra izay ataony izany. Ankoatra izany,ainga iray lehibe mitondra amin’ny fitsofana indray ny afon’ny fitiavan-tanindrazana eo amin’ny mpiara-belona ary indrindra ny taranaka ny fahalalana ny raharahan’ny 47.

Ny fijerinareo ato amin’ny OTRIKAFO ny raharahan’ny 47 , na izay tianao holazaina momba izany.

Mbola mitambesatra eo amin’ny kolon-tsaina pôlitika eto Madagasikara ankehitriny ny firehan-kevitra pôlitika taorian’ny ady lehibe faharoa mikasika ny fitakiana ny fahaleovantena.Nizara roa miavaka tsara ny foto-pisainana tamin’izany fotoana.Tao ny nitsipaka ny fanjanahana firantsay ka nitaky ny fahaleovantena. Tao kosa ny niaiky fa tsy hisaraka amin’i Firantsa,fa hiankin-doha aminy hatrany.Iry voalohany maneho ny kolon-tsaina pôlitikan’ny tia tanindrazana mandala ny fiandrianam-pirenena ary ny tsy fiankinan-doha amin’ny any ivelany.Ity faharoa kosa mivoy ny fiheverana fa tsy maintsy avy any ivelany no ahazoa-mampandroso,mamonjy an’i Madagasikara.Izay ilay kolon-tsaina pôlitika miankin-doha amin’ny any ivelany.Ny mpitondra Fanjakana nifandimby teto hatrizao sy ny antokony avy sy ireo namany pôlitika mpomba azy ary koa ireo mitonona ho mpanohitra ankehitriny no vonton’ity kolon-tsaina miankin-doha ity.Ireo no vatom-panorin’ny mpanjanatany fahiny sy ankehitriny amin’izao fanontoloana izao (BM.FMI.G8,ets,ets), .Mihevi-tena ho ao amin’ny sokajy voalohany kosa ny OTRIKAFO ary ireo fikambanana ao anatin’ny HO AMIN’NY FIANDRIANAM-PIRENENA.Resy lahatra mantsy izahay ireto fa tany nambinin-Janahary i Madagasikara,saingy nampahantrana





Miala tsiny fa lava loatra fa mety hahavaly ny fanontanian'ny maro e!

:(:(:(

sipagasy: ho vakiana miadana ka!:)

mahafinaritra raha ampahafantarina ny taranaka ny tantara koa aoka hiezaka ny tsirairay hampahalala izay fantany na nampitaina taminy!

marina izany!

marina be io voalazan'i sipagasy io.aoka isika no hanoratra ny tantarantsika,fa raha tsy izany dia hiova foana io.

ohatra.ilay frera sa mopera talehan'ny sekoly St michel dia sahy nilaza fa lainga izany hoe maro ny gasy maty izany.fa tsy mahatratra zato akory hono.
ahoana no hamelana olona hilaza zavatra toa izany??????