Feno 59 taona katroka rahampitso ny raharaha 29 Martsa 1947, fotoana nitondran’ny Malagasy ny mangidy nandritra ny fanjanahan-tany nataon’ny Frantsay azy. Tsy voatanisa ny isan’ny olona maty nandritra ny tolona niarovana ny tanindrazana ary ankoatr’ireo mafana fo fantatra tamin’ny herim-pony toa an-dry Ralaimongo, Raseta sy Ravoahangy ary Rabemananjara, ny lietna Randriamaromanana sns... dia maro koa ireo nitolona mafy tsy fantatra anarana namoy ny ainy tao anatin’ny ady tamin’ireo vazaha. Tsy tohitra moa ireo mpanjanantany noho ny fisian’ny Malagasy sasany voatambitambin’ny vazaha ka sahy namadika ny mpiray tanindrazana aminy. Tantara tsy azo adinoina ireny, indrindra ho an’ny taranaka any aoriana.
« Ny tantara dia mbola mitohy » hoy ny tononkiran’i Nanahary. Marina izany, mbola tohin’ny fanjanahana ny fahatsiarovan’ny Malagasy isan-taona saingy tsikaritra ankehitriny fa mitombo isa ireo nitonona ho nitolona tamin’izany, raha heverina hihena izany noho ny fandrosoan’ny taona. Mbola maro anefa no mijoro marina amin’izao fotoana izao raha tsy hiresaka afa-tsy ireo Bekotro maroholatra, miaramila sisa tsy maty tamin’izany. Tsy mankaleo ny mihaino ny tantarany izay inoana fa nifanaraka tokoa tamin’ny tantara ankapobeny re sy hita amin’ny boky. Tsikaritra kosa fa ny fankalazana no miha maivan-danja, toa zary lasa fahazarana sisa ka zara raha re ny lazany raha tsy andro vitsy alohan’ny fahatsiarovana, misy aza ny tsy te hahalala satria mbola tsy teraka angaha tamin’izany ? Dia ho tantara tokoa va re no sisa e ?
Hery A Madagascar Tribune

andro tsy hiasana zany any dago eh ?

Mahagaga hoa fa tsy mba malaza mihintsy le hoe VICHI e! Hoie noho ny lavon'ny fanjakana allemand ny Frantsay de ny saina allemand no nitsangana tany Dago ary dia naripakin'ny anglisy ny ankamaroan'ireo miaramila frantsay sy malagasy mbola nanao ny akanjo allemand tamin'izany fotoana izany.
Tsy niaiky ny frantsay fa zanantany allemand ka ny malagasy no namboariny telo taona mahery taty aoriana.

Ny frantsay eo ihany fa mbola eo koa ny Padesm sy ny taranany, ahoana koa ireo? Toa mbola izy ireo avokoa no manjaka ao Madagasikara ao o?:twisted:

Zay moa zazavao ka tsy mahalala zany padesm zany fa mbo azavao tsotsotra oe ra tsy mahadiso ,misaotra mialoha e

Herimiafina: inona aloha ity Padesm sy ny taranany, ity fa tsy hainay eh!

Tsy azo hambara eto fa aleo atao site indray de hanangonana valimpikarohana maro dia atao toy ny filma kely mihintsy misy temoignage e! :*

ny PADESM hatramin'izao dia mbola io manohy ny asany io.fantaro ny tantaran'andriamatoa velonjara fa ireny no lehibeany.teo koa ry dadabe tsiranana,ary ankehitriny dia mbola mitohy io ,dia ry ratsimandrava no vokany.

efa somary mazava hiany raha izany ny fandehany.
Herimiafina: dia miandry an'io zany zah! :*

Nomarihina omaly alarobia ny faha-59 taonan’ny Raharaha 29 martsa 1947. Maromaro ny toerana nanehoan’ny fitondram-panjakana foibe ny fanotronany ny hetsika nenti-nanamarihana izany.


Tamin’ny 9 ora maraina aloha dia ny Fanompoam-pivavahana iraisam-pinoana teny amin’ny Fiangonana Anglikana Ambohimanoro no nanombohan’ny hetsika. Tonga teny ny Filohampirenena Ravalomanana. Nandray fitenenana teny izy, toy ny mahazatra azy.


Toa fantany tampoka ny lanjan’ny tolona nataon’ireo maherifon’ny firenena tamin’izany 1947 izany, nefa tamin’ny volana jolay tamin’ny taon-dasa izy dia nilaza imasom-bahoaka ny tsy fahafantarany ny raharaha satria tamin’ny 1949 izy no hoe teraka. Tetika hisintonana ny fon’ny Tia Tanindrazana iny fa tsy zavatra hafa akory.


Lasa litania sy anaovana angoan-tenda indray izao ilay voambolana nataon’ny Filohampirenena hoe “hambom-pom-pirenena” (fiérté nationale).


Avy eny Ambohimanoro ny Filohampirenena sy ny tompon’andraiki-panjakana isan-tokony dia nifanotrona nanatitra fehezam-boninkazo tetsy amin’ny tsangam-baton’ny Mdrm etsy Mandrosoa-Ambohijatovo. Niakatra teny amin’ny fasan’ny mahery fo teny Avaratr’Ambohitsaina indray avy eo, ka mbola fametrahana fehezam-boninkazo koa no natao teny.


Nizara roa avy eo ireo tompon’andraiki-panjakana ambony, ka ny ampahany iray izay notarihin’ny Filohan’ny Antenimierandoholona Rajemison Rakotomaharo, dia nandeha nanolotra mari-pahamendrehana (medaly) ho an’ireo akanga sisa nanamborana, tapa-porohana sisa tsy may tamin’ny Raharaha 1947 teny Betongolo. Nisy 500 ireo notolorana an’izany omaly.


Ny ampahany faharoa tamin’ireo mpitondra fanjakana ambony kosa dia notarihin’ny Filohampirenena tany Moramanga.

Tany dia lahateny azo ambara ho goavana no nataon’ny Filohampirenena.

tantara sisa marna é
ny maagaga kosa dia ny nahafantarana tamin ity fa misy olona mitonona ho bekotro maro olatra nefa kay rehefa nato ny fanadihadiana d tena tsizany velively.
Zao no fandehany niteny ilay ranamana fa ny raibeny dia niady tamin ny mpanjana tany ary nilaza nahita ny fandehanny tao amin ny tanana iray , ny bzavatra nihatra tao izany nanomboka ny 29 mars 1947.
Kay nisy nahalala tsara ilay olona ary dia nandeha ny fikarohana kay moa ka tsizany fa ry zareo dia niezaka nialokaloka tao amin ilay voajo izay nanana miaramila niaro azy.tao zany zareo menakaby tsy nahalala izay fijalian ny olona akory saingy efa maty aby ireo niara nihira d nitatatata razafikely fa mbo mahery fo koa ny azy ny dadabeny !
Tena misy zany an !

toa efa henoko io an! fa ndryyyy mampalahelo an! :(