Araka ny fandinihana (analyse) politika hatramizay dia io no Andriamanitra faharoan'ny mpanao politika malagasy. Satria nahoana? Izy no manome ary izy no maka. (mametraka sy manala ny mpitondra fanjakana)
Iza ary no tompon'io 13 Mai io?
Ny tompony dia ny vahoakan'Antananarivo, hafohezintsika @ hoe VA.
Iza indray ary ity atao hoe VA? merina ve? Diso.
Ny VA dia ahitana ireo malagasy rehetra avy @ lafivalon'ny Nosy, monina eto Antananarivo. Izany hoe mahasolo tena ny rehetra. Ireo no tompon'ny 13 Mai.
Sarotra noho izany ny manozongozona izay olona hiantefan'ny safidin'ny VA. Ary tsy tafapetraka eo @ fitondrana mihintsy ny olona tsy manana ny fon'ny VA.
Ny fitaovam-piadiana farany (dernière cartouche)ampiasaian'ny manao politika na mpitondra izy na mpanohitra tsy ankasitrahanan'ny VA dia ny milaza fa ny Merina no VA (Diso, diso, ary tena diso tanteraka izany)
Io fampisaraham-bazana sy fampiadiana ny samy mpiray firenena io no heveriny fa tombotsony.
Ary izay no hahatsapana fa malemy izy. (na mpitondra io na mpanohitra).
Tsy mamorona aho akory fa samia isika manaraka tsara ny tantara dia hazava izay tiako ho lazaina.
Teny atsipy ho an'ny manampanahy rehetra io ka am-bava homana, am-po miheritra
