Averiko eto indray ity tononkaloko ity mba hanaovana tari-dresaka.

NY MAHA KRISTIANNA

Tandremo ihany leiretsy ny maha kristianna
Fa raha tsy mailo amin’io isika dia ho fanina
Lazaina fahotana ny fiharian-karena
Fanompoan-tsampy ny maha olom-pirenena

Mailaka ery na maopera na mpitandrina
Mampianatra antsika mba hitadidy an-kandrina
F’izay rehetra tsy araky ny baiboly
Dia vokatry ny nofo sy asan’ny devoly

Raisontsika ohatra eto ny resa-pirazanana
Ny mpahary antsika dia nanao ny karazana
Ireo miseho ho mpino, manao izay tsy hampisy
Ka mandrisika aok’izany ny fanaovana metisy

Ohatra koa izao ireny fomban-drazana
Tsy tokony haisotra amin’ny fanabeazana
Azo atao izay mety ahafahana mandrindra
Ny tantara sy finoana hiaraka mamindra.

Nahoana koa moa ,raha ny litorjy
Ampiarahana amin’ny hain-teny sy dihy?
Soson-kevitra ihany iny ka dia ambara
F’isika mianakavy no hahita izay tsara.

Mbola eo koa ny valiha sy ny amponga
Hiderana ny Mesia izay andrasana ho tonga
Tsy lazaina intsony ny ranjan-kabary
Ho enti-midera,mankalaza ny Nahary.

Satria tsy ny finoana no tsy milay
Fa ny fanjanahan-tsaina no tena mavay
Lazaina tsy an-kiato fa ny farandro tsy ho ela
Ny an'ny hafa lolohavina,ny an'ny tena avela.

Izany no anton-javatra tena mampialona
Aza gaga loatra raha nitroatra Ranavalona
Ny hany mba natao dia fitsarana sy taraina
Fa lavitra ny tena izay mba ho tonga saina

Ka ny finoana ve, azo omem-boninahitra ?
Sa halam-baraka toy ny zezika any am-pahitra ?
Kendreo ary izy tsy hatao fanangolena
Ka hanamaivanana ny fiainam-pirenena

Merinaforever

Ka ny tiako lazaina dia atao somary sangisangy zary tenany ihany aloha:tsy natao aminy teny Merina ofisialy ranoray ny baiboly fa ny anaran'i Jesoa izao dia tsy izy.Ny eritreritro fotsiny dia azo atao hoe RAJESOA izy io,na atao hoe ANDRIAJESOA,na ihany koa hoe i Vonjy,na i Avotra(avy amin'ny hoe ieshoua)
Toy izany daholo koa ny an'dry Rapaoly sy ry Dadapera.Ny an'i Pilaty izao dia tokony hoe Rakotopilaty.Ny an'i Maria dia Ravaomaria (renin'i Avotra).Ny an'i Kaisara,dia Andriamisara na Andriamiseza.Izy io dia nitoetra tany AndRAOMAnalina(=Rome).

Dia ianareo no avela handinika ny manaraka,fa izaho mantsy tsy dia eto loatra no monina fa any amin'ny www.rktmb.org

Ilay tononkalo tsy de asiako commentaire fa asa raha azonao no tena lazainy na tsia fa tsy misy hifandraisany loatra amin'ilay hevitra tianao hatongavana. Ny ao amin Baiboly dia teny Malagasy ofisialy..ny Malagasy ofisialy dia tsy teny merina akory sao diso hevitra ianao.Ny dika teny ao amin'ny baiboly izay nosoratana amin'ny teny Malagasy ofisialy dia nokendrena manokana mba ho voatahiry ny hevitra ao amin'ny boky original, misy fomba manokana ihany koa nentina nandikana ny anaran'ny olona.

zah koa mba nihevitra fa teny malagasy ofisialy ny ao amin'ny baiboly fa tsy teny merina tsy akory ka asa ? 8O

misaotra anao aho sonwin, tohanako tsara ny hevitrao, fa maninoa andrangahy io loatra ary izao merina izao no dradradradraina lava e, fa angaha nisy nanindry anao tany ho any e, ny olona mitady fahafahana mantsy dia ny olona gadra fa raha olona mkikarenjy tsy hilaza mihitsy hoe omeo fahafahana aho. Ka raha izany dia nahatsiaro ho tena ho ambany ianao ramerinaforever miala tsiny @ fivantanana matoa mitady ho amboniana be ohatran'io, ny toe-tsainao no ovay fa tsy nisy nanambany na nanambony anao teo, raha miova ny to-tsainao dia mipetraka @ toerana mety sy tsara tsy manenjika adi-pko@ izay rehetra ataonao ianao. Na dia tsy misy hifandraisana aza dia avoaka foana ilay resaka merina. Hitanao koa ilay olona tsy mbola niteny t@ micr, rehefa nahazo micro dia manao toriteny. Ka misy zavatra tokony haverina @ laoniny kely @ fiainanao fa maasapa tena ho tsy eo @ toerana misy anao ianao. Mila manatona mpitsabo mihitsy angamba da mahameatra olona.

merinaforever sy ny bla bla bla fôna ? mbola ampahany ara io narosony io =)) =)) =))

aza asiana sorabe otran'io lty fa manjary tsy mampi te hamaky ah/ tssss



mifentyforeveraka

inona daholo izany eeeee?
dadabeforever

Manao azafady fa ianareo no mivoaka amin'ny dinidinika fa tsy izaho.Ka io tononkalo eo ambany io dia voatery nalefako eo mba ho valin'ny resaka mivoana satria tsara ho fantatra fa tsy vaovao amin'ny valinteny toy izao(jereo etsy ambany ny hoe "fanasemporana")

Raha iverenana ny antony itenenako hoe Merina ofisialy:Eto Imerina dia samy manana ny "accent" sy ny voambolana ampiasainy na dia kely aza ny mahasamihafa.Ohatra fotsiny izao eto an-drenivohitra dia be ny teny vazaha ampiasain'ny olona ary maro koa ny tsy ampy voambolana miohatra amin'ireo any ambanivohitra.Mandehana ange ianareo any Antanifotsy sy Andramasina e!Dia ampitovio amin'ny fiteny any Manjakandriana,dia ho hitanareo eo ny mahasamihafa kely azy na dia mifankahazo aza.

Ny lohan-tenin'ity indray dia nahatsiaro aho hoe i Ralambo dia nanova mbamin'ny dikany ny teny Bantou hoe ngaombe,dia lasa hoe omby.Toy izany koa ilay mpanao gazety iray izay,nataony hoe Rayodoyono no anaran'ilay filoha indonesia vao voafidy vao tsy ela.

Dia rehetra izany no nahatonga ahy hanao hoe:nahoana ary no tsy Atao hoe Andriamboahosotra i Christ,na Rajesoa?sns sns. Ataoko fa anisan'ny fomba iray itazonana ny an'ny tena izany,toy ny nataon-dRalambo amin'ilay teny Afrikanna dia novany fotsiny izao ho teny Malà mbamin'ny dikany.Dia izay no ifandraisany amin'ilay tononkalo ery amboalohany,farafahakeliny eo amin'ny andininy iray hoe:

"Satria tsy ny finoana no tsy milay
Fa ny fanjanahan-tsaina no tena mavay
Lazaina tsy an-kiato fa ny farandro tsy ho ela
Ny an'ny hafa lolohavina,ny an'ny tena avela."

Ka raha misy tsy mahita ny ifandraisany dia miala tsiny fa ataoko fa tsy fahadisoako.Fa hitako fotsiny fa ny teena nahamaika an'ilay tsy hitsikera ahy amin'ilay resaka hoe Merina fotsiny.Mieritreritra angaha ianareo fa matoa aho mitonona ho Merina dia miavoavo?Tsia tiako be mihitsy ilay sasany nanao hoe Betsimisarakaforever sy Betsileoforever tatsy am-badika.Fa izany hoe aza mivoana fotsiny amin'ny tena resaka atsidika ê!
:lol:


Fanasemporana

Vonoina ho faty ny mangorangorana
Izany no politikan'ny fanasemporana
Ny fahamerinako dia omeko toky
Fa tsy avelako ho faty na mitsilopy

Nahoana no izaho no lazaina fa mpihantsy
Lazaina fa akoholahy mampiseho fantsy?
Tsy azo atao ve ny mianatra mandefitra
Ka hanajana ny hafa amin'ny toetra hentitra?

Dradraina an-kabary,atao an-taratasy
Fa tsy Merina intsony aho fa Malagasy
Mba mitonona ho Merina aho rehefa misy hirika
Dia tsapako fa maro ny maso mivotirika.

Misy mihitsy aza no sahy manontany
Fa tsy fandranitana adim-poko ve izany.
Izany no saran'ny firaisam-pirenena
Manery ny fanadinoina ny an'ny tena

Manao azafady re ry ambanilanitra
Fa Imerina tsy tay tangoronan-dalitra
Sady tiako no mamiko ka tsy atakalo
Tsy ieren-jiolahy,tsy anjakan-dahalo.
:lol:

merinaforever >ianao mahay tonokaloforever de zah tsy maharakaforever ,fa le izy klou milayforever e :D

e e e e! Tsy tianay loatra kosa aloha izany hoe "atao teny merina ofisialy" izany e! Aza miteniteny fahatany rangaha sao ho mitenitenyfahatanyforever eo ny anarana!
Olombelonaforever! lol

milay forever marina ny tononkalo ka.ombako koa ilay hoe fiarovana ny maha izy ny tena.fa le fandika befahatany ny baiboly kosa tsy mety.za tsy mpino fa mba efa io no ahazoan'ny rehetra azy e

merinaforever> ny tononkalo alefanao dia tsara satria misy kolotsaina tiana harovana...dia averiko fa tsy misy hifandraisana amin dikanteny ao amin'ny baiboly izany, izaho izay manoratra aminao dia tompon'ny kolotsaina malagasy fa tsy mpindrana akory, fa izao,momba ny baiboly dia natokana ho an'ny malagasy rehetra, ka raha hafamisinao ihany ilay hoe teny merina dia hoy aho hoe..baiboly ho an'ny malagasy, atao teny malagasy ofisialy..raha ohatra tian-dranga hisy teny merina ofisialy..manaova fikarohana dia mamoha baiboly amin teny merina mba ho an'ny merina fotsiny...ary io teny merina ofisialy lazain-dranga io de tsy misy akory.
Ingahy milaza fanamerinana ny teny aza toa maka solon'anarana hafahafa koa...merinaforever..teny merina ve izany? ny andrangahy aloha amboary izay vao miteny ny hafa e

tsy misy tokoa aloha le teny merina ofisialy e.mba dinio tsara

Toa hitako fa tsisy hanampy ahy mihitsy ianareo izany amin'ilay asa goavana :) .Ka dia aleo ary mihanona amin'ny DIEM ,efa hitako fa azo ekena hé hé hé ! :lol:
Ilay hoe "forever" indray dia Angalisa nataoko fanahiniana satria ilay hoe "foana" tsy iraisam-pirenena.Ny Angalisa mantsy no teny ifandraisan'ny tontolo Nosantara.Ka tsy hitako izay hanamboarana an'io,fa ilay "Merina" aloha dia ataoko fa efa mety,sa :?:
Fa tsy vitan'ny Baiboly koa ange 'lay resaka ê,fa ao koa ny fampiharana an'ilay baiboly eo amin'ny fiainana an-davan'andro sy any am-piangonana.Dia eo koa ve eritreretinareo fa tsy mety ny Fanamerinana ny fomba kristianina maro nolovana tamin'ny Vazaha?Sady izay indray tsy ny votoatin'ny finoana no ovàna fa ny fisehony fotsiny.De sarotra koa ve izany amin'ny mpahay fivavahana?
:)

sonwin>marina zany frera a tsika eto forever a

merinaforver> ary tsy arakao anga ilay hoe fitoriana ny Vaovao Mahafaly manaraka ny volon-tany? taraiky be nareo

sonwin>taraikyforever

Merinaforever!
Ny anao efa fitiavana te hiresaka firazanana sy ny sisa fa tsy Baiboly intsony!Io peudo-nao io kou sao de tokony hovaina hoe bricavilleforever?
tsssss!

merinaforever> d firy amin\'ireo rahalahin\'ise avy any Beraketa ka hatrany Ramena no hitaky ny fanovana??? Ary firy amin\'ise no olona te-handrava ny maha-iray ny Malagasy? Ny fandikana Baiboly dia tokana ny tanjony: hanapariaka ny tenin\'Andriamanitra amin\'ny olona rehetra satria tsy misy teny ambony sy teny ambany ka tsy ho mendrika ny Baiboly!
Ka tsy hararirary kokoa noho izao indray izany ny fon\'ise raha ilazako ise fa misy fandikana ny Baiboly ho amin\'ny tenim-paritra isan-karazany efa ho 4 taona izao miodina any Madagasikara?!? Raha mila fanazavana fanampiny ise dia ivereno anontaniana aho...
Misaotra anefa fa tsara ny nilazan\'ise ny hevitr\'ise mba hahafahana manatsara ny fitoriana amin\'ny ho avy sy hiarovana ny tenin\'Andriamanitra tsy ho voatasy...
Am-pirahalahiana