Salama daholo ô ! Anio aho dia hizara tsiahy kely aminareo satria tsy misy tsy mahafantatra ny tarika K'ANIB kosa angamba isika rehetra e ! Ny tarika K'ANIB (Kanto an'i Bira) dia mpanakanto "boys bands" avy ao Antsirabe nanomboka ny taona 2000 ary 3 mirahalahy izy ireo no mpihira ao anatin'ny tarika : Nicky, Ranaty, ary i Rado na i Gôta no fahafantarantsika azy. Ity hira ity no nahafantarana azy voalohany mitondra ny lohateny hoe "Izy ilay tokana" izay nivoaka tamin'ny taona 2001, na izany aza miala tsiny fa somary kiakakiaka ilay izy vokatr'ilay CD original fa ho hezahina hohavaozina io afaka fotoana fohy.
Ankoatra ity hira ity dia anisan'ny hira nahafantarana azy ilay hoe "Namana" tamin'izany, na izany aza, sao dia mba misy manana an'iny hira iny ianareo? Raha mba manana ianareo dia alefaso aty amiko.
