diso ny hoe:"basy atifi-kavana....."

21. RKjeanclaude ( 23/03/2017 18:22)

DotMG:


Iza no manambara sy manaporofo fa tena diso tokoa ilay diso?


Mpikaroka izay afaka maneho soratra na rakitra antitra kokoa noho ny an'ireo mpikaroka hafa ary ahitana fa ny tato aoriana no diso. Na raha toy ny an'ilay maha-boribory ny tany dia fanazavana maharesy lahatra ny rehetra ary tsy azo lavina ka mampihaiky na iza na iza hoe tena izay tokoa no marina.

Fozalahy atakalo fozavavy, hevitra taty aorian'ny 2009 no milaza fa diso izany, satria nanomboka teo dia fanafohezana ny fozaorana ilay teny hoe foza, ary entina mandraby sy manavakava-bolon-koditra sy manambany fironana politika anankiray ny hoe foza nanomboka teo.

Toy izao ny ohabolana mahakasika an'io foza io tany aloha :
Fozalahy atakalo fozavavy : amoizan-java-tsy foy hananan-tiana.
Fozalahy natakalo fozavavy : izy no ahy fa ny ahy lasany.
Ny heviny dia hoe ny fianakaviana iray mahafoy ny zanaka tsy foiny ho lasan'ny fianakaviana hafa, kanefa mahazo zanaka vaovao izay toa takalon'ilay azy. Tsy toy ny varotra ny fanambadiana arak'izany ka misy mahazo tombony, fa takalo tsy mahafaty antoka.

Fozakely anaty lavaka : Halorina tsy azo, topazan-drano tsy mivoaka, fa ao anaty lavaka ihany no manaingaainga tanana.
Ilazana sipakely mampifilafila io.

Foza halahala: tsy an-davaka tsy am-bolonkotona.
Io ilazana sipakely te hojerena, hita atsy hita aroa.

Foza malemy.
Io ilazana sipa maivana.

Ohabolana sy oha-pitenenana telo samihafa ireo, samy foza no atao sarin-teny ilazàna ny zazavavy tanora efa eo amin'ny taonan'ny hifankatia. Dia vao mainka izany manamafy fa fozavavy tokoa no izy.


misaotra tompoko. Mazava dia mazava ny fanazavana, fa ny mampalahelo dia vitsy no mahalala izany amin'ireo mpikabary hitako. Na manao pli-vava fotsiny ireo milaza io, na ilay "fon-jazalahy ...." no be mpanao. Izaho koa aza efa mba nieritreritra hoe io no marina, hay diso koa aho. Koa isaorana indrindra ianao manoro an-kitsi-po.

Misaotra tompoko.
22. DotMG ( 24/03/2017 06:55)
Ka io indrindra ilay antony nampasiaka fiteny ahy tany am-boalohany, satria ny olona mitondra ny hevi-baovao mifanaraka amin'ny sainy fa tsy araky ny hevitry ny Ntaolo, matetika, dia tsy olona hoe mirediredy mba te hiteny, fa tena ao anatin'ny tontolon'ny fandalàna ny teny malagasy mihitsy, dia mpianatra na mpampianatra kabary, ohatra. Raha izy antenain-kanirina no mainka mampivandravandra, dia ho azo antoka fa hino soamantsara tsy an-kisalasala ny mpianatra sy ny mpihaino, ary izay ilay lazaiko hoe loza ho an'ny soatoavina. Na hiara-hirona amin'ny hevi-baovao isika rehetra dia ho very ilay hevi-dalina nananan'ny Ntaolo, na hitarika fifandrirotana ilay izy ka hampalain-komana ny Malagasy tsy hazoto handalina sy hitia ny haren-tsainy satria toa mampisalasala sy misy fifanipahana.

Misaotra anao nandefitra be tamin'ny fiavonavon'ny fanehoan-kevitro, aty am-paran'ny tafa aho vao miala tsiny. Somary nataoko fanahy iniana kely ihany anefa izy izay, ary tsy dia fombako, fa hitako kosa hoe sivana ny amin'ny handaniana fotoana hiadiana hevitra na tsia. Raha olona tsy te handray na hihaino ny hafa na handinika no omena tena mahery dia misendaotra ary tsy mitohy ny resaka fa samy miziriziry amin'ny azy. Rehefa misikotra kosa ilay olona, dia azo antoka fa malala-tsaina be izy izay, ary ho adihevitra mampandroso ny ho tohiny, dia ny karazan'ny adihevitra mampitombo fahalalana ny andaniny sy ny ankilany.
23. RKjeanclaude ( 25/03/2017 06:22)
mahafinaritra e! misaotra indrindra, tokony haneho hevitra @ tontolon'ny serasera (sy ny haino aman-jery) isan-karazany ianao fa tsy eto amin'ity pejy serasera.org ity fotsiny mba hamerina ny nania sy hampijoro tsara izay tsy mari-toerana sy izay mampisalasala ny maro.
24. 201007jacky ( 31/03/2017 09:03)

RKjeanclaude:

diso ny hoe: " basy atifi-kavana, tsy asoko fa arangaranga". Tia havana ka na n'inona n'inona fifandirana, tsy miafara amin' ny fifamonoana izany. Ka ny tena izy dia"basy atifi-kaza ny ahy, tsy asoko fa arangaranga". Ny haza mantsy, lambo na vorona na hafa, na dia arangaranga aza ny basy ka atodika any aminy tsy fantany hoe hahafaty azy ka tsy ilaina afenina fa afaka atao miharihary tsara (=arangaranga). Na dia arangaranga aza tsy hitsoaka na handositra izy. Fa raha olona kosa dia fantany tsara fa hotifirina izy ka handositra na hiala ka tsy ho voa. Noho izany, tsy maintsy afenina fa tsy arangaranga raha te-hitifitra azy, na havana izy na tsia.


Aaraka ny fiheverako dia nanao dika ara-bakiteny ianao!
Tsy mandiso anao aho fa manitsy.
Ilay hoe "Basy" eto dia ilay teny, fihetsika, izay midika tsy fisoronana ilay hoe "abaribary".
Ny tian'ny fomba fiteny hambara, amiko, dia milaza tsy fisoronana amin'izay zavatra tiana ka hahatsara ny fianinan'ny havana. Ny tanjona dia mba tsy hahasolafaka ilay havana amin'izay fiainana amin'ny ho avy.
Mety hitovitovy amin'ny hoe "ZAZA TIANA TSY ITSINTSIANA RANTSAN-KAZO" io fomba fiteny io.

Misaotra sy mankasitraka!
25. RKjeanclaude ( 31/03/2017 12:22)

201007jacky:


RKjeanclaude:

diso ny hoe: " basy atifi-kavana, tsy asoko fa ar......


Aaraka ny fiheverako dia ...
Mety hitovitovy amin'ny hoe "ZAZA TIANA TSY ITSINTSIANA RANTSAN-KAZO" io fomba fiteny io.

Misaotra sy mankasitraka!


somary efa voavaha ihany araka ireo dinika efa voaroso etsy ambony ireo, araka ny dinika t@ DotMad. Araka ny dinikay raha fintinina fohy dia tsy diso na itsy na iroa, araka ny zava-misy no ampiasaina izany. Ny fanazavanao koa anefa tsy diso saingy asa raha ekenao ireto farany (ny dinikay).

Misaotra indrindra.

26. endriny ( 01/04/2017 14:02)
Mety hoe alegorika koa ange Rajean ilay hoe :"basy atifi-kavana" e. Fa mety basy hafa mihintsy io. Mety ilay basy eo afovoan'ny Saha io. Satria mantsy betsaka ny nanao Lova tsy mifindra fa izy samy mpihavana ihany no mifampitifitra ao
27. 201007jacky ( 03/04/2017 08:53)
Mankasitraka indrindra Tompoko tamin'ny famaliana ny hafatra. Mampihomehy ahy mihitsy ny namalianao azy: hahahah. Sady mety ho marina tokoa le izy ah! Nefa adihevitra ny antsika ka am-bava homana, am-po mieritra.

Mankasitraka Tompoko!
28. 201007jacky ( 03/04/2017 08:53)
Mankasitraka indrindra Tompoko tamin'ny famaliana ny hafatra. Mampihomehy ahy mihitsy ny namalianao azy: hahahah. Sady mety ho marina tokoa le izy ah! Nefa adihevitra ny antsika ka am-bava homana, am-po mieritra.

Mankasitraka Tompoko!
29. Calinbrandon ( 10/07/2017 06:59)
DotMG >>> " Fozalahy natakalo fozavavy ".

Izao vao hitako ity.
Diso io ka. " Fon-jazalahy natakalo fon-jazavavy " no izy Tompoko. Efa voahitsy sy voazava efa eny amin'ny fiaraha-monina io, saingy tsy mbola tonga any aminareo izany.

Ny fomba fiteny na ny fanononana no nandiso azy taty aoriana.
30. 201007jacky ( 13/07/2017 05:21)
Dia mombon-kevitra amin'i Calinbrandon mihitsy koa aho ny amin'ity fomba fiteny ity.
MArina tokoa fa ny fiarahamonina no mandiso azy: araka izay henony no itenenany azy.
Mankasitraka eh!
Calinbrandon:

DotMG >>> " Fozalahy natakalo fozavavy ".

Izao vao hitako ity.
Diso io ka. " Fon-jazalahy natakalo fon-jazavavy " no izy Tompoko. Efa voahitsy sy voazava efa eny amin'ny fiaraha-monina io, saingy tsy mbola tonga any aminareo izany.

Ny fomba fiteny na ny fanononana no nandiso azy taty aoriana.
© Eugene Heriniaina - serasera.org 1999 - 2024 - page load 0.4068