You are here: home > Forum

Mivoatra ve ny style?

Lohahevitra : vetso.serasera.org
Fitohizan'ny hafatra : Mivoatra ve ny style?
Valiny : 92
Pejy:  1 2 3 >  Farany
hery - 12/11/2004 10:48
Zah anisan\'ny mpakafy ny tononkalon\'i Rado... izy angamba no azo lazaina fa teteza-mita eo amin\'ny poeta tranainy sy poeta ankehitriny... satria raiamandreny izay niaina ny rindra taloha sy ny haingon-teny amin\'izao fotoana izao.
Dia mamaky ny tononkalontsika amin\'izao fotoana izao aho... ary mamaky ny tonokalo taloha dia mahita fa nivoatra ny fomba fanao. Indraindray ny hevitra no tena zava-dehibe. Efa nolazaina aloha hoe tsy dia manan-danja intsony ny rima... na i Rado aza efa nanoratra imbetsaka tsy miady rima. Saingy ilay resaka figadona (rythme na beat) no tena niova be.

Ohatra kely fotsiny anie ity e.

Hoy i Rado

\"Ho any ianao kanefa
Aza ataonao fantany
Izao fahoriako izao
Fa aoka hiafina aminy...\"

Tsy miady rima io kanefa misy gadona tsara ary raha mamaky an\'io dia mahita ilay gadona hoe 1-2-3, 1-2-3 ohatran\'ny RFI manao défilé

Ary jereo ohatra fotsiny ity anakiray sendra ny tanako ity. \"Ny faniriako\" nosoratan\'i NyKanto (ao amin\'ny vetso.serasera.org)

Vao omaly ianao no hitako (1-2-3-4)
Dia nitsiry ilay fitia niriako (1-2-3-4-5)
Mahatonga ahy mamboraka etoana (1-2-3-4-5-6)
Hoe tena tiako ianao ka tiako (1-2-3-4-5)

Tsy misy filazana hoe tsara na ratsy satria anisan\'ny mahazo isa betsaka ao amin\'ny takelaka tononkalo io tononkalon\'i NyKanto io fa hoy aho hoe tsapantsika fa niova style ny mpanoratra ankehitriny.

Misy mpanoratra tononkalo italiana izay lasa prose notapatapahana fidinana an-dalana sisa ny tononkalony. Sao ho lasa toa izany ny tononkalo malagasy?
Valio | Miverina eny ambony
ravatorano - 12/11/2004 11:41
za ry namana tsy d haiko loatra ilay izy fa d tany ampenarana tao amindry frera izao no namakiako tonokalo izany farany
hay ry hery misy ritma v izy io .Za zao dia voan ireny resaka freestyle ireny dia hadino ny akoho mavon drazana kle aza ah
soa nisy anareo nampatsiahy
:oops:
Valio | Miverina eny ambony
mihanta - 12/11/2004 14:35
eny é!
ampy izay..dia akatony mora io varavako io
fa hitomany aho...

za kou alou anisan\'ny mankafy ny tononkalon\'i rado,ary isaorako an\'ilay namana iray zay nanome ahy io tononkalo io vao haingana.na d misy aza ny fivoaran\'ny style,tsy mena mità ny an\'i rado.
Valio | Miverina eny ambony
ramoul - 12/11/2004 15:01
misy tokoa ny fivoaran\' ny \"style\", ny fomba fanoratra no marimarina kokoa; fa tsy atao latsa-danja akory ny tonon-kalo taloha ary tsy atao fireharehana ny tonon-kalo ankehitriny.
Samy tsara avoko na ny an\' Rado na ny an\' Nykanto.
Valio | Miverina eny ambony
ikaretsaka - 12/11/2004 16:12
Za tsy mpanoratra tononkalo be loatra famanao kely ihany ary manasokajy ny tenako ho artista saingy mirona any @ moziak sy sary kokoa

ny tononkalo dia raisiko ohatran\'ny art rehetar satria artista ny mpanao azy ireny
fa raiseneko ohatran\'ny mozika ilay izy angamba (mba manao fanoharana za zany e)

misy fotoana ianao te hihaino ila kidombaramita be sy mozika manaraka rythme ireny ohatra raha ara moziak no lazaiko (io le 1-2-3 1-2-3 lazain\'i hery)

misy fotoana ianao te hilalao \"jazz libre\" hoe mbalady be ohatran-dry coltrane ireny fotsiny.. ilay gadoma miovaova be /ny notes mifangaro rapide be

spiraka ny mitondra an\'io. ary ny fahaizanao mivelatra @ ireo sampana ro ireo no mampivelatra kokoa ny sainao sy ny safidinao sy ny maha \"cultive anao

ohatra ve hoe rap ihany na rnb satria ireny manaraka gadona sns?
dia lasa ny tontolon\'ireny ihany no iainanao

Valio | Miverina eny ambony
chipie1 - 12/11/2004 18:21
ny any i nyeja kou tsara by tononkalony an :-*
Valio | Miverina eny ambony
zakilinina - 12/11/2004 21:41
Ny tena marina dia izao : manelingelina loatra ny famoahana ny aingam-panahy ilay sakan\'ny fampiarana rima sy gadona. Ny imasoan\'ny mpanoratra amin\'izao fotoana izao dia izay ivoahan\'ny hevitra aloha; ny rafitra manaraka eny ihany raha ampy ny fotoana. Tsarovy anefa fa nandany fotoana sy rohon-doha ireny mpanoratra ngezalahy taoha ireny vao nahasoratra an-dàlan-teny mirindra, mirima, migadona sady nampisongadina ny fahaizana maneho sarin-teny. Vitsy tokoa ireo mpanoratra ankehitriny no miezaka mamolaka ny rima sy ny gadona toa an-dry DadaRabe, Narivelo Rajaonarimanana, Bana Rahalahy, Toetra Raja, Fredy jaofera (vato namelan-kafatra) ...
Valio | Miverina eny ambony
zakilinina - 12/11/2004 22:19
Tsy voatery arahana akory ny fitsipika. Kanefa tsara ihany ilay manaraka, raha tsy izany dia aleo manao lahatsoratra na hain-teny na tononkira. Màzana loatra ilay fitsipiky ny tononkalo ka aleon\'ny sasany dikaina mba hahatsotra zavatra.
Valio | Miverina eny ambony
ikaretsaka - 13/11/2004 02:42
zakilinina an.. tsy misy fitsipika iznay ny tononkalo..
entanin\'ny aingam-panahy io
Valio | Miverina eny ambony
chipie1 - 13/11/2004 11:48
i zakilinina njay mahita fitsipika aminy tonokalo
Valio | Miverina eny ambony
zakilinina - 13/11/2004 13:47
Aza manao maso be tsy mahita re ry ikaretsaka sy chipie1. Na dia ny raikibolana fotsiny aza no vakiana dia ho azonao ny fitsipika. Ekeo fotsiny fa misy :
- ny tononkalo manaraka fitsipika;
- ny tononkalo tsy manaraka fitsipika.
Aza be doïka fa mahatsiravina :idea:
Valio | Miverina eny ambony
lanto - 13/11/2004 14:30
zakilinina>
Misy ny tononkalo manara-drafitra sy tsy manara-drafitra (sa malala-drafitra) .Misy indray tsy manaraka n\'inona n\'inona
Marina ny an\'ikaretsaka fa aingam-panahy ny tononkalo. Ry Dox sy ry Rado angamba tsy nieritreritra rafitra raha nanoratra, fa isika mamaky no mahita fahafinaretana kokoa raha \"tsara rafitra\" ny tononkalo.

Tafa-tsiry indray ny maintso
Eo an-tokotaninay
Rako-pelana ny paiso
Mavokely ranoiray

Tsotra, na izay tsy mahay teny gasy aza raha maheno an\'io mahalala fa tononkalo izany ....
Valio | Miverina eny ambony
zakilinina - 13/11/2004 18:43
Tsy marina izany hoe tsy nieritreritra rafitra izany ireo mpanoratra toa an-dry Dox sy Rado. Nandany roan-doha izy ireo vao nahavita rafitra toy ny mpanao trano. Raiso an-tsaina anie raha tsy mampiasa metatra ny mpanao trano ê !
Ity tononkalon\'i Dox hoe \"PAISO\" ity izao araka ny filazan\'i hery dia migadona toy izao :
1-2-3-4 (ho an\'ny an-dàlana efatra).
Ny amin\'ny rima indray dia ilay lazain\'ny poeta vazaha hoe \"rime faible\" satria tsy mitovy tanteraka ny fara-teny :
-AINTSO (maintso) / -AISO (paiso)
-NAY (tokotaninay) / -RAY (ranoray)
Tsy hifanomezantsiny araka izany raha manatsotsotra zavatra ireo manoratra ankehitriny satria sarotra ny mamoaka hevitra kanto raha toa ka tsy maintsy mampiady rima sy mampitovy gadona.
Valio | Miverina eny ambony
lanto - 14/11/2004 00:26
de nieritreritra ve izy hoe hataoko 1 2 3 4 sy rime faible ny tononkaloko ? izay vao nanoratra ?
Valio | Miverina eny ambony
zakilinina - 14/11/2004 10:29
Ny 1-2-3-4 dia tandremany fatratra tokoa. Raha vao mihoatra ka lasa 5 ohatra dia ahodinkodiny ny vers mba hahatonga azy ho 4. Izay no maha poézia ny poézia. Ny rime faible indray dia azo leferina rehefa voalanjalanja tsara fa tsy manimba sofina.
Azon\'i Lanto ? Avereno vakiana kely ny voalazan\'iKally sy Hery etsy ambony fa marina loatra.
Valio | Miverina eny ambony
lanto - 14/11/2004 11:02
raha izay indray dia ekeko : izay le fanitsiana
Valio | Miverina eny ambony
hery - 14/11/2004 13:37
Izaho koa aloha tsy niteny hoe ny tononkalo tsirairay fa misy ny poeta mihitsy no miova fomba fanao. Misy poeta ohatra ny ankamaroan\'ny tononkalony dia manara-drafitra daholo fa vitsivitsy ihany, izay araka ny toetrandro sy ny zava-misy iainany, no tsy miady rima... izay tena fanahiniana atao tsy miady rima.
Misy kosa anefa mpanoratra izay tsy anaty rafitra mihitsy na dia ny iray amin\'ny tononkalony aza. Kanto koa anie ny lahatsoratra e (\"prose\") ka raha hevitra fotsiny no tiana havoaka fa tsy eo ilay maha tononkalo (Tonon-kalo) azy dia tsy hitako izay hampidinana andalana azy.
Marina ny tenin\'i zakilinina hoe asa be ilay mampiady rima, fa tsy voatery hampiady rima fa eo koa ny mampiady Gadona... ilaina eritreritra sy fandinihana izany fa tsy aingam-panahy fotsiny.
Izaho tsy tena poeta fa ny tononkalo noforoniko farany dia nahitako endrika an\'izany (Ry lisy kely)
Ohatra :
Ry lisy kely tsara bika
Maniry an-tany songosongo

Tsara tarehy no tiako nolazaina kanefa tsy mipetraka intsony ilay gadona raha vao ataoko hoe
Ry lisy kely tsara tarehy
Dia miezaka mijery hoe inona no mety mitovitovy amin\'ny tarehy? Endrika ve? sns... dia bika no hitako fa tafiditra ao.

Tsy hoe fampianarana akory fa araka ny nolazain\'i lanto hoe mba atao ihany koa izay maha-kanto azy rehefa henoina.

Raha misy tononkalo hoe

Tonga hono ny krismasy
Teraka Jesosy
Andao isika rankizy malala
Mba hitsoaka azy any antranon\'omby.

Dia hahafinaritra ve ny mihaino azy? Tsy aleo tonga dia vakiana milamina manao hoe

Tonga hono ny krismasy. Teraka Jesosy. Andao isika rankizy malala mba hitsoaka azy any antranon\'omby.
Valio | Miverina eny ambony
ikaretsaka - 14/11/2004 14:24
hery> misy ilay hira hoe

teraka ho antsika
i kristy
avia re hitsaoka azy

tsisy rima tsisy gadona tsy misy lalana
nefa kanto raha henoina...
de ahoana?
Valio | Miverina eny ambony
hery - 14/11/2004 18:00
ikaretsaka> izay indrindra... azo atao hoe hira indray ireny tononkalo ireny fa tsy atao hoe tononkalo intsony.
Izay no nolazaiko teo... misy koa kanto amin\'ny lahatsoratra, hira, hainteny... fa tsy hoe tononkalo.
Valio | Miverina eny ambony
zakilinina - 14/11/2004 18:49
Marina avokoa ireo voalazanao ireo ry Hery. Raha anontaniana izao ikaretsaka hoe inona no mahasamy hafa ny tononkira sy ny tononkalo dia mety hoe \"mitovy\" no valiny.
Tena asa saina mila fotoana be tokoa ny fanoratana tononkalo. Toy ilay ataonao hoe \"ovaiko hoe bika ny tarehy mba hampitovy ny gadona\" io no sàkana tsy maintsy resen\'ny poeta fata-dàza teo aloha.
Valio | Miverina eny ambony
Pejy:  1 2 3 >  Farany