Toy izao zany no tatitra fohy araka ny fahitako azy fa mbola hanampy eo moa ny namana sasany.
Araka ny nifanarahana dia natao tany Vichy ny fihaonan'ny namana taty
am-pita. Nanararaotana ny RNS. Arak'izany dia samy sahirana tany amin'ny
taranja nisy avy ny tsirairay ka noterena arak'izay tratra ny mba hihaonana
na dia ny hifankahalala tava fotsiny aza. Ka ralay, ds, fijo, samoina,
sipagasy, mumu, bi7, ary oully no tena tafahaona mivantana, nisy niaraka
tamin'ny zanany ny sasany. Betsaka ihany koa ny hafa fantatray fa tonga tany saingy
ilay hihaonana no sarotra dia sarotra.
Rehefa tena nifampitady teny zahay dia ny alahady hariva tao aorian'ny
finale no tena tafahaona niaraka, ka nifanome fotoana tao amin'ny Mac
Donald's.
Rehefa nifankahalala sy samy faly nifankahita teo dia nifampitantara ny
nahatonga ny tsirairay ho tao amin'ny serasera sy ny fifandraisana misy
amin'izao fotoana. Nisy tena nahagaga sy nahafinaritra mihitsy (aleo samy
hitantara ny azy eo ambany eo, na ny tsy tany aza satria mahaliana be). Dia
somary niresaka teknika kely avy eo, ny fomba hanatsarana ny takelaka, sns,
...
Fa ny tena vaovao nivaingana tany dia tapaka fa hanao fihaonana manokana ho
an'ny namana rehetra mihitsy ka lazaina amintsika heritaona mialoha mba
ahafahan'ny tsirairay avy miomana.
Efa nisy toerana ihany naroson'i DS fa eo am-pandinihana azy isika.
Izay no ambangovangony fa amin'ny sary indray angamba no misy antsipirihany
kely.
Marihina kely fa samoina sy fijo no nanao tsipy kanety be, i ralay kosa
nanao volley, no sady arbitre tamin'ny finale lehilahy. Zahay vehivavy indray moa
dia nifarim-peo teo am-panohanana an-dry zalahy.
Dia misaotra antsika rehetra sady manantena ny hihaona izany afaka
heritaona.
Manoroka mamy daholo.
